يسلم بجنيه يقولو اهل عقرون ارتبط=ولا طرح شي شرط يسمح له بحل ارتباطه
واثق بعهد الجن والجني تشرط واشترط=وحط يسلم والعروسه كلهم تحت باطه
ريته سالنا يوم يا عيالي سوى والا غلط=من غير ما يسال لزم نحنا باسوى غلاطه
يومه على توه ضرب من غير ما يشوف المحط=ولا خبر نحنا ولا تكلم ولا عطاء احاطه
لمان حس انه فقد نفسه وفي الزيجه ورط=جانا يقول انه خسر وافقرصبح عالبلاطه
وانه بدون اشعور صدقهم وفي نومته غط=واصحي جذم مبعود عامد له حوق في قطا طه
طيب على نيته والدنا في الشبكه سقط=في شبكة انتربول لخضر والغلط و السقاطه
لاهو من الجذنه ولاهو رماد عيدان الشقط=ولا منزه من مرق شاة العرب و البطاطه
لاحق ولا باطل طلع له بعد ما لقوله نشط=من تحت كاتب عدل ظالم لي مقيد نشاطه
متهوم ومبهذل وبه وعليه قد حل السخط=واسبابه اتمادي في ا سلوكه وقل انضباطه
صادق على كل امر يصبح بعد بكره مختلط=وضاع مابين البرامك بعد يوم اختلاطه
معرف يوضح في الوثيقه لي حروفه والنقط=لي هو بلا نقطه ولي تحته وفوقه نقاطه
دوخ به الدولار لي شافه معاهم في الشنط=لانه عبر عمره وهو فقري خليه شناطه
وقع لهم وابصم على ورقه في البيعه وخط=ولا نفع يسلم بتالي وقت شي من سعاطه
طرحو له السحر الخفي في كاس منقه وانبسط=واصحي وقد كبده عليها تحوش بعد انبساطه
لاقدر يطلقها ولاهي طلقت يسلم بحط=سلم لها العصمه وهو راضي وشدة قماطه
صيح وغفل قال يكفينا بغينا حل وسط=قالت صبر عا لجعث يا يسلم معدشي وساطه
سلمت نفسك ليه وتزوجت من سكن الحمط=وانت الذي قد كنت سيد قوم قهر العباطه
واصبحت مثل البحر لي ساجنه بر واسع وشط=مهما يموج البحر موجاته بشاطي محاطه
لا ماج في مده بساعة جزر يا يسلم هبط=سلم الى ماشي تسونامي وخل العباطه
العاد لك صوره ولا لك صوت في القرب التقط=لا يا رعا الله وقت كان الصوت سهل التقاطه
عوذ من الشيطان يا يسلم تفكر في البسط=والدش والجوال عند البدو بعد البساطه