حرفين دايم في ضميري مخباه=والله عصتني كل ماقلت شدي
تمشي مع دمي ولاشفت ممشاه=لاكن بها حسيت فيني تردي
خلتني اسهر كل ماسمعت طرواه=واشكي لكل الناس بيحت سدي
ماقدر انسى:كل ماقلت بنساه=ودايم ضميري من فراقه مودي
عقلي وفكري والمشاعر تمناه=اه ومن ظنى الشوق وجدي
مشتاق لوتلصق يميني بيمناه=واشتاق لوخده تلاصق بخدي
واشتاق في ضمه وبوسة شفاياه=الى تنفس ريح عوده ووردي
ماخذ من النوب العسل في حكاياه=ومن الغزال العنق والطول نجدي
غيره عشيق من المزايين مابغاه=وان ماحصلي واصبح الوضع ضدي
بودع العشاق والعشق والأه=وبنقش على الصخر العشق مايودي
وهذا عذابي لجل حرفين عشناه=شدي من اعماق الشرايين شدي