ابديت بالمولى ويعلم كل سر=يعلم بما قد كان او مابايكون
ومقدر الارزاق في بحرًوبر=ومغني الصالح وحتى المرجفون
واليوم بتنشد على كل من غتر=مهما يطول الوقت لازم يرجعون
لاتغره الدنيا ولاسوق التجر=كل من ترك موطنه في الغربه يهون
ماشي مكاسب حاصله بيد البشر=هذا الزمن فيه الخساره والديون
عزه بلاده للطماعه من ندر=ماباتتجرك المحازي والسهون
وايش كل المهتوف ينوي عالسفر=من بعد ماقد كان شابع له سكون
ماطلعت البصمه ولافحص النظر=حتى جوازه منتهي مثل البدون
ولااقامه ثابته مثل البشر=ولاشتكى ماضن حد له يسمعون
واليوم ضاع السمع عنده والبصر=يمسي كما مولى المطاحن والسنون
ولاعرف مخرجه وفيين الممر=ولادرى من وين خطه بايكون
حيران والحيران ماله شي مقر=قوت الطرق دايم على دعسه ورون
والختم صلوا عامحمد قد نذر=كل البشرواله وصحبه اجمعون

المشاركة الأصلية كتبت بواسطة الدور القبلي (المشاركة 370754) صح لسان ولا فض فوك ويا ليت وياريت ويا مناي أن يرى الشباب هذه الكلمات التي تعبر عن حالة المغترب في غربته والله إنها محنه نسئل الله السلامة بارك الله فيك أخي الحبيب ونسئل الله الخراج من هذه الغربة في خير وعلى خير . قولوا آمييييييين