ابديت بك يافرد ياواحد احد=يالله يارب الخليقه والوجود
تغفر وتتجاوز لكل مسلم سجد=والعفو يارحمن في يوم الشهود
عجيب يالهاجس بقوله قد ورد=جاني وان ساكن وفي حل الرقود
وقلت له هت لي خبر عندك وجد=عارفك انك جيت من ارض الجدود
ارض الوفاء والجود مامثله بلد=من حول لادوعن اللما قبر هود
السمح هو عندي مراحي والمرد=والله مابنساك ياذيك الحيود
لهم موده واجده من غير حد=وفي محبتهم تعديت الحدود
وعادني محنون من عيضه حمد=يومه كنان الراس عندي والبرود
قد له ثلال اسنين ماليله رقد=تعبان في حاله وخلق الله رقود
يمسي يجر الليل يالله ياصمد=صابر عسى ذا الصبر ينفع والصمود
جوب علي العاني تصبر ياولد=قد جيت لك عاني سمع مني الردود
قد راح بومرعي ولله المرد=ماحد في الدنيا يتمي في خلود
يوم الربوع الواحده راح السند=اخر رجب ثلاثين واربع والعمود
عساك في الفردوس لا يا بن حمد=والورد عالكوثر وجنات الخلود
وفي اللحود المغدره جسمه رقد=وامسى وحيد الاهل مابين اللحود
ماحد جلس عالقبر ساعه بالعدد=كلٌ الى اهله وداره بايعود
باقي عمل صالح ومن عنده ولد=يدعي عسى دعوه مجابه ياودود
وجنبه منكر اذا منكر نشد=واجعله ثابت في جوابه والردود
وبعد يالعاني توكل بالمرد=صلي لبو سالم ومن عنده قعود
هذا عزاكم امر مامنه مرد=عسى الخلف من بعد بومرعي اسود
وخصه القبلي لشيبه والولد=حذرك تخلي حد من نسل الفهود
ذي هم على الجودات من ابٍ وجد=وعاقبة لجواد كل جيد يجود
والعفو لا شي بيت عالثاني شرد=واللا القوافي ماتجي قيم العمود
والختم صلوا عد ماساجد سجد=على النبي خير البريه والوجود

ال ماضي