عجزت أنا يا بوي بالصوت أعزيك تخنقنـى العبـرة وجفـت دمـوع
لو البكا يرجعـك يابـوي نبكيـك لا شك درب الموت مابه رجـوع
ولو الدمع يابوي لو سـال يبقيـك نذرف كثير الدمع طـول السّبـوع
الله يبيحك كل مـا حـل طاريـك ويرحمك ربي فـي نهـار يـروع
عزيز في ربعك حنـون بأهاليـك كريم بضيوفك ولـو هـم جمـوع
وياما ضعيف الحال شلته بأياديـك وقمت وحميته من قريـب قطـوع
تاقف مع المحتاج هـذي مماشيـك ويشهد على قولي كثيـر الربـوع
عساك بالجنـة تقطّـف بأياديـك أثمارها يا بوي مـن كـل نـوع
عسى العوض من بعد غيبة لياليك في واحد لاعه مـن الدهـر لـوع

إن كنت تســأل يارفيقي وش الراي ... تبغى السعاده خذ كلام يقيــني
تتــبع القصه وتفــهم لمعنـاي ... إن كان لك قلب لبيـب فطـين
اول وانا ضايف من اسبـاب بلواي ... على هموم الوقـت ربي يعيني
قد كنت ضايع ماعرف ويـن ممشاي ... تايـه ماعرف اشمالها واليمين
تعبـت ادور للســعاده بدنيـاي ... واثر السعــاده سر يا الغانمين
دورتهـا بالـمال ماصاب مرمــاي ... لو زاد مــالي دوم قلبي حزين
وايضا السفر مافاد لو تكثر خطاي ... نفســي ولو سافرت لازم تشيني
أضحك مع الاصحاب واخفي بكاي ... حزين دايم ودمعتي وسط عيني
واليوم من فضل الولي طاب مسعاي ... زانـت وكنت اظنها ماتزين
لقيتها بالدين وافــهم لمغزاي ... وايضا السعاده في رضا الوالدين
وانا على رب المخاليق شكـواي ... عساه يجعلني من الفايزين
يالله أنا طالبك حقق لي مناي ... واجعل لنا بالدين حزر مكين