سقيفة الشبامي - يا مطول الغيبات


	يامطول الغيبات ليش القساوة = ماتدري اني في غيابك شقاوي؟ انا دخيلك لاتزيد الجفاوة = زود ٍ على مافيّ ماعدت قاوي عساك دايم في نعيم وطراوة = وراك ماترفق بحالي وتاوي؟ جرح ٍ جرحته لاتخليه داوه = انت السبب وانت الطبيب المداوي فتحت لك قلبي بود وحفاوة = وقلبي قبل لااعرفك يازين خاوي اسرق من الدنيا لعينك فضاوة = ويسوقني شوقي لكم في الحراوي احس في قربك وحبك حلاوة = وبشوفتك قلبي يشيل الغناوي يابسمة الطفل الشديد الهداوة = انا فداوي لاجل عينك فداوي وياانقى من الورد الشديد النقاوة = انساك؟ لاوالله مانيب ناوي حتيش لو تعلن عليّ العداوة ؟= انا عشقت وصار قلبي هواوي دفعت عمري رسم حب واتاوة = وكم عاشق ٍ غيري دفع للاتاوي قلبي خفق لك حب يازين آوه = ماله سواك من المخاليق آوي