ياواسع المدات يابالجود يالفرد الصمد=أرفق بنا وأنظر الينا ياسميعاً يابصير
سالك بغفرانك لنا والعون منك والمدد=نحن عبيدك نستجيرك يامهيمن يامُجير
يارافع السبع السموات الثقيله بلا عمد=انت الميّسر والمقّدر واللطيفاً والخبير
صلوا على الهادي محمد عد ماساجد سجد= وعداد مافي الكون من طائر على جناحه يطير
المصطفى المختار سيدنا العظيم المعتمد=بخيل لي ما بايصلي عالنبي الهادي البشير
ذا فصل والثاني فتحنا باب والباب انقلد=أيش قلّدك ياباب قال الباب ذا باب الوزير
أيش الذي هو جابكم سدي وانا مفتح لحد=قلنا قضانا والقدر جينا وكلفنا المسير
ضاقت بنا الاحوال في دنيا الندامه والنكد=وتكاثرت لمواج والحيتان في البحر الغزير
ترثاء لنا الديدان لامتنا وصرنا في الحد=اللحم ماشي هو خلاف العظم والجلد المرير
بلّغ شكاوينا لهم ان كان شي مرجع ورد=وان كان شي رحمه وشفقه عا لفقيره والفقير
صرنا كما الايتام لا والد ولا أم للولد=وال لي تبنانا دفر نحن وسط حفره وبير
يمسي ينبش عالخزائن من بلد لما بلد=ويمتر الجيلان والسيطان والحيد العسير
لما ملاء كيسه وبظنه شل عفاريته وهد=وقبض خميس الفرم بالجلوه تقول الا بعير
وياريتها ظهرت قبوسه بالمناظر والعدد=تمت كما ماهي مسارح نهب واطماع الحقير
واليوم ظهرت حكحكه فوق الجماجم والجلد=واللون لحمر قد ظهر والقبص في امات الحرير
والسيل ماقصر ولمطار القويه و البرد=وايش بابرده سيل مايرحم ولا عنده ضمير
لا خير في موزع مصّدع رفدوا له بالكرد=ولا سواقي لا لها شارح ولا نايب مدير
حتى الخطوط السود قرب عالمنافذ والسدد=وتسجلت في اللوح والقرطاس واوراق النظير
وكل ما لها تزحف وتركض بالوثائق والسند=شي من زمن لتراك وشي من زام معطان الشهير
وان تمت الا هكذا النيران واكيار الحدد=شو ما لنا مقصد نشل بالدان ونعيد الصفير
والختم باصلي على الهادي وياشاهد شهد=والله ثم والله ماشي عذر والثائر يثير