| باغوزه |
04-02-2005 06:48 PM |
لاتسافر مع عجوز انتبه "
حبابتى جات زمان الله يرحمها للحج وين هذا الكلام عام 1974 ولما جات تبغاء تسافر لحضرموت صادفت اجازتى وقلت يالله خلنا نرافق العجوز هى بطبعها مرعوشه وتجيب لنا حكايات زمان . المهم حجزنا مره فى الطائره من جده للغرف عبر الريان .. وركبنا الطائره والعجوز فى الكرسي بجنبى وعبرت الطريق كلها ماشاء الله تبارك الله الله يحرسكم ياعيالى معاد ده شى .. تمر المضيفه بجنبنا تتخبرنا العجوز بنت مين ذي ؟ قلت لها حبابه ؟؟ سكتى .. مرت المضيفه مره ثانيه وتخبرتها .. يابنيتى وين قدنها . طبعا الطائرة لازالت فى مطار جده .. اعلن الكابتن عن بدء الرحله قالت لى ياوليدى ايه يقول ؟ قلت لها حبابه يقول سيل جاء وبنتأخر شوى لما تخف المسيله . قالت سوا . جلست اقراء الجريده وقلعت بنا رحله جده - الريان - الغرف وطول الطريق ماخلت حد الله يرحمها الا وتخبرته من اهله وعياله .. عادى المهم جابو وجبة الغداء فيه رز ولحم بقر على مااعتقد بس بصراحه كما طبيخ حمد بغم ( حلو ) حبابه حبابه ضحا . ضحا . عطيناها ضحاها وتخبرتنا ياولدى طبيخ من ؟ قلت لها طبيخ بوصالح حمد بغم آآآآآآآآه ايش رايش عجبش ؟ قالت وهى كاشعه برقعها وتناظر لى وتبتسم والوشم على وجهها .. عصده ياهو الماء زاد عليه . قلنا يالله ياحبابه تحملي غداء سفر .. وصلنا وهنا المصيبه العجوز ضيعت الحذي حقها .. يالله حبابه قومى .. ياوليدى حذييى من درى من سرقهم قلت لها حبابه ماحد يسرق شى حذي حق حد تفطنى قالت ادع عالبنيه بتخبرها .. جات البنيه ( المضيفه ) يابنتى شفتى شى حذي حقى ؟ ابتسمت البنت وقدرت الموقف كعجوز .. جاوبتها لا والله .. قالت لها حبابتى : تخبرى خواتش من اللى كنست الرقاد ؟ نى يابنتى خلستهم فى طرف الرقاد ودخلت ..
الحذي ياجماعه خلستهم العجوز الله يهديها فى نهاية الدرج للصعود للطائرة ودخلت حافيه وخلتهم فى جده .. اااه
شفتوا الاحترام للمجلس خلس حذيك ودخل .. يالله ياحبابه بانشوف لش لبس من سيئون . وتوبه ان عادنا سافرت معش وهى الله يرحمها سافرت لمكان بعيد وانا رجعت .. والموت حق ..
|
