http://www.youtube.com/watch?v=OG8u54dk3Y0








وين انت يا حمدان امـك تناديـك .. وراك مـا تسمـع شكايـا وندايـا

يا مسندي قلبي على الدوم يطريـك .. ما غبت عن عيني وطيفك سمايـا

هذي ثلاث سنين والعيـن تبكيـك .. ما شفت زولك زايـر يـا ضنايـا

تذكر حياتي يـوم اشيلـك واداريك . . والاعبـك دايـم وتمشـي ورايـا

ترقد على صوتي وحضني يدفيـك .. ما غيرك احدٍ ساكن فـي حشايـا

واليا مرضت اسهر بقربك واداريك .. ما ذوق طعم النوم صبـح ومسايـا

ياما عطيتك من حنانـي وبعطيـك .. تكبـر وتكبـر بالأمـل يـا منايـا

لكن خساره بعتني اليـوم وشفيـك .. واخلصت للزوجه وانا لي شقايـا

انا ادري انها قاسيـه مـا تخليـك .. قالت عجـوزك مـا ابيهـا معايـا

خليتني وسط المصحه وانا ارجيك .. هذا جزا المعروف وهـذا جزايـا

يـا ليتنـي خدامـة بيـن اياديـك .. من شان اشوفك كل يوم برضايـا

مشكور يا ولدي وتشكر مساعيـك .. وادعـي لـك الله دايـم بالهدايـا

حمدان يا حمـدان امـك توصيـك .. اخاف من تلحق تشـوف الوصايـا

اوصيت دكتور المصحه بيعطيـك .. رسالتـي واحروفهـا مـن بكايـا

وان مت لا تبخل علـي بدعاويـك .. واطلب لي الغفران وهـذا رجايـا

وامطر تراب القبر بدموع عينيـك .. ما عـاد ينفعـك النـدم والنعايـا


’’’
جابر


::[/ALIGN][/COLOR][/SIZE][/FONT][/CELL][/TABLE1][/ALIGN][/QUOTE]

المشاركة الأصلية كتبت بواسطة نديم (المشاركة 511737) الله ياجابر قصيده محزنه حرام عليه يترك امه هذا العاق ياليت امي عايشه عشان ابرها ياجابر تسلم وربي تبكي هاالقصيده ياويل لكل عاق في الحياه الدنيا وفي الاخره تسلم ياغالي

المشاركة الأصلية كتبت بواسطة ريحة المسك (المشاركة 511740) الله يهدي كل عاصي وكل عاق والله انها قصيده مؤثره جدآ اعتصر الحزن قلبي وانا اقراء كلماتها الحزينه بمعانيها والكريمه بدعائها بنفس الوقت ليت الابناء يعرفون مقدار الامهات قبل فوات الاوان ويندمون حيث لا ينفع الندم الف شكر استاذنا الكبير جابر عثرات الكرام

المشاركة الأصلية كتبت بواسطة إحساس حضرمية (المشاركة 511804) يارب في القلب هم وعندك أفراجه يارب في العين دمع ساتره كلي .. يارب أحفظ لنا أمي يارب يارب فرج همها ونفس كربها وأجبر بخاطرها .. دموعي على خدي كلمات عصرت قلبي كيف وهذه أم كيف وهذه من تعبت كيف وهذه من بكت عشانه اااه .... أختيارك سيدي جاء في وقت قلبي يتفطر على ألم أمي وحزن أمي أختي بين الحياة والموت أمي تراقبها بعيون الحياة لاتتصور الألم الذي نشعر به ونحن نراقب أمنا في هذه الحالة وأختنا في هذا الوضع ... والله تفداها روحي وتفدى كل دمعه من عيونها حياتي ولكن ماباليد حيلة غير الدعاء يارب فرج هم أمي يارب نفس كربتها يارب اجبر بخاطرها بشفاء أختنا وأجعلنا بارين هادين مهتدين غير ضالين ولا مضلين وأجعلنا قرة عين لها حتى تسعد وتفرح وترتاح يارب يارب يارب

المشاركة الأصلية كتبت بواسطة الابن البار (المشاركة 511817) الله الله فعلا قصيدة مبكية ومحزنة الله يهدي ويصلح