واجب علي باسم السقيفة= والعسكري هو والخليفة
=رحّب بالأقلام الشريفة
=لي جو. لنا من كل دار
زانت بهم عذب القوافي =لي ثوبها عالشعر ضافي
=كالوا لنا من حب صافي
=ابيض نقي مابه غبار
( يا بارق الدمعة ) هلا بك =فالشعر با نحسب حسابك
=فرحان يوم الله جابك
سعف الرجاجيل الخيار=
والشهم ( ناجي بازراره) =مكسب لنا ماهو خسارة
=المنتدى و الدار داره
في ليل والا في نهار=
والسيد الشاب المثالي = ( علي رضاء ) جاب أللآلي
=والتبر لي فالسوق غالي
واحد وعشرين العيار=
( والصيني ) اللي من كلامه = نال الرياده والزعامه
=عالي نعم عالي مقامة
عند الصغيّر والكبار=
واللي توطّن فالمكلا = واسمه ( حسن ) . بدره تجلا
= حاشاء على مثلي وكلا
ينسى العلم لي فيه نار=
وأحفاد ( عيسى بن محمد ) =جاء منهم شاعر ورمّد
= سيله في الوديان عمد
بايقلب الغبراء خضار=
( مولى ثبى ) سالت سيوله = يصرب من الجربه سبولة
= وان قال شي لازم ينوله
والحلو با يقلبه قار=
( والعرش ) لو مره تكلم = والا على مخلوق سلّم
= منه ومن مثله تعلم
نقش القوافي باختصار=
والشاعر الفحل( المخضرم ) = لما بتسجيله تكرم
=باول صفر وآخر محرم
لازم يبينها جهار=
( والقحم ) عن ابن وعن جد = شاعر على الإبداع قلّد
= فالبحر بين الجزر والمد
قاد السفينة باقتدار=
والشيخ ( صالح ) شيخنا الفذ =ما طاب قدم لي وما لذ
=ما يوم عن درب الشرف شذ
حامي حمى صرح الوقار=
( واليافعي بن قاسم ) الجيد = ( خالد ) وبه بفخر و باشيد
= من يوم شفته عندي العيد
رافع أهم وأغلاء شعار=
( والعولقي ) من نسل( عولق) = رد العشر والراك تولق
= ما بين باكازم وشولق
قد قال بانبنى جدار=
واللي على ( الغزلان يقنص ) = خلا عظام الوعل ترقص
=با الآلي الرشاش والنص
او بالفلنطات القصار =

قل للمرحب مرحبابك = رحبت وقرينا خطابك
= جات المحاسن من جنابك
وفيت ياذري النمار =
كفتك رجحت باالمحاسن = عندي وفي كل الاماكن
=وعلى الوطن وعلى المواطن
مخلاف ذيهم في السفار=
عني وعن صرح الشبامي = اشكرك واهدي لك سلامي
=بل اعترف واطرح بهامي
انت القياده للقطار=
حال الوطن قال الشهاده= من حضر وقبايل وساده
= منحوك وعطوك القياده
حذاقهم هم والصغار=
ماهزهم اعلان ظاهر= ون سوقها مارد حافر
= قالوا ولاّت اهل البصاير
نضحك ويغشانا الوقار=
من لالحق قرص الحميمه = والسمن غالي كل قيمه
= ذي يرقع الكبد السقيمه
الملح والفلفل خصار =