صرنا نلف وندور وسط الدايره = كلن على همه وقلبه فيه نار
ماحد يراهن عالخيول الخاسره = يوعدك بايوفي ولا فيه اقتدار
اسمع علوم الرجل ان هي ظافره = حطه على الايمان ماهو عاليسار
اسأل على ربعه ومن ذي سايره = باتعرف الرجال من خط المسار
من جالس العقال طيّب خاطره = ترجاء علوم الخير عنده والوقار
يحمل هموم اهله ولو هي جايره = تفداه من طعن الجنابي والشفار
أما قليل الخير رجله عاثره = كل يوم في حفره مزود في العيار
ماباتجي منه سوى كل قاصره = جعله ضحيه للذيابه والنمار
ياخوي شفها نار عندي ثايره = من ذي نشوفه ظلم في وسط الديار
حتى كبار القوم صارت حايره = يوم الريال اليوم قد دحدر وبار
والصبر مل مني وانا باصابره = هذه مزايا العقل واصحاب الوقار
ما باتظل بقعاء كما هي سابره = لا بد مانطعم حلاء من بعد قار
حكمه من الله من سنين غابره = لابد ما تصفى السماء بعد الغبار
رشة مطر من سحابه عابره = تطفي ظمأ الرمله وتنبت بالخضار

المشاركة الأصلية كتبت بواسطة الرقيب (المشاركة 566996) موفق بإذن الله ... لك مني أجمل تحية .

المشاركة الأصلية كتبت بواسطة بن بريك (المشاركة 566574) السلام عليكم ورحمة الله وبركاته اسأل على ربعه ومن ذي سايره = باتعرف الرجال من خط المسار من جالس العقال طيّب خاطره = ترجاء علوم الخير عنده والوقار بن بريك 5/12/1431هـ

المشاركة الأصلية كتبت بواسطة الواقعي (المشاركة 567102) تكفي البيتين هذه لتكون قصيده سلمت يمينك وصح لسانك روعه

المشاركة الأصلية كتبت بواسطة ديك الجّن (المشاركة 567104) صدق رسول الله حين قال: ان من الشعر لحكمه