حسيبنا الله في علي عبدالله صالح=لي مااصطلح ولا انتصح ولا يجي منه صلاح
بعد الثلاثين السنه لاوين رايح=بالبلطجه يابلطجي ووعود تنذيها الرياح
ومن خطاء الى خطاء اشنع وفادح=قسرأ يرحل صوتنا زيدان والمدعو صداح
طالت اياديه كل شي حتى الشرايح=للبث والارسال والتلفون ممنوع السماح
ياما نهب واحرق يمن لجل المصالح=في الليل يشعل حرب بالحيله ويطفيها الصباح
هذا علي اللي سفك دم كم سايح=بحجة الارهاب وهو ارهاب في ارضي وساح
تاريخه اسود من زمن تاريخ فاضح=مايرحم التاريخ كل من عاب في ارضي وراح
عنه كتب تحكي كتب فيها المقالح=كل الحقائق واضحه واحنا بعصر الانفتاح
والحوثيه كذبه بها كل الملامح=واحنا سأمنا من كذوبه كلها والفجر لاح
ثوره بها شعب اليمن الكل طامح=ثوره وفيها كل صاحب صوت معتصماه صاح
اذهب وارحل ياعلي والحل واضح=رحل لك بعفويه كما من كان من قبلك وراح
لكن صاحبنا علي يهوى الفضايح=بنت اليمن غصبأ به اولاده عقد فيها سفاح
شبابها وشيوخها عنده ذبايح=وبالرصاص الحي يضربهم من افواه السلاح
وبيننا الايام وانته وين رايح=لاتظن من بعد الجرايم بايقع ماراح راح
لاترجي لاياعلي منا التسامح=الا اذا من مات من قبره حيي واعطى السماح
حسيبنا الله في علي عبدالله صالح=وكل من شاركه جرمه ماطلع نور الصباح