[شيخ القبايل.]

استسلام .. لغريب الدار سالم باذيب

إستسلام

صحت من عمق الضمير=صحت بالصوت الكبير
وش جرى لك تمتحني بالمحبة ياصغير=
أنا شـايب وأنت شـاب=فرق واجد في الحساب
ليش ندخل في متاهه ليش نسعى للعذاب=
قـال هـون وش بلاك=جيت لك شاري هواك
فيك حـنية و رقه مستحيلة في سواك=
بالـهوى راسي مـلان=بس ناقــصني حنان
سيب فرق السن لحظة وألتفت لي يافلان=
قـلت يا بدر الـبدور=لا تـسهل لي الأمـور
أنا عارف يا حبيبي إيش في رأسك يدور=
أنت تبحث عن جـديد=صعب تــلقى ماتريد
في حـنايا شـايب ٍ لاهي بتدليل الحفيد=
قال و صلـتني علوم=أنك أفـضل من يسوم
وإن لك في الحب ماضي يرتسم بين النجوم=
لو تلمح بالــقبول=كيف ما نـلقى حلول
لا تقفلها حبيبي وأنت في قلبك ميول=
قـلت له هذا مخيف=حب في سن الخريف
ناظر الشيبات وأرفق لا تحملني الكليف=
خالط الزفـرة بأنين=و ألتفت و أقسم يمين
قال أحبك وأشتري ودك وأريدك للسنين=
ون قلبي و أنـفطر=سـال دمعي و انهمر
قلت يا بعدي أنا أتمناك لكن ما قدر=
أنـثنى عني وراح =و اختفى نور الصباح
و أشغلت رأسي الهواجس و أبتدت فيني الجراح=

سالم احمد عمر باذيب القصيم / بريدة
15/4/2006 م الموافق 17/3/1427هـ

- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -