[ريف حضرموت]

شف سرنا شاع =والناس بثت اشاعة
شف حبنا ضاع =من هو السبب في ضياعة
من هو الذي باع= القلب ماهو بضاعة
تشتري او تبيع=ياساكنين القطيع
مركب هوانا شراع= والريح مزق شراعة
بين البحور الوساع=ساعات يوقف وساعة
كالريح تجري سراع=60/ في كل ساعة
والبحر عادة وسيع=ياساكنين القطيع
خلك معايا صريح=شفنا نحب الصراحة
خل الكلام الفصيح=مانا من اهل الفصاحة
والطفل لما يصيح=الكل يفهم صياحة
لو كان عادة رضيع=ياساكنين القطيع
رمى فؤادي سهامة=حتى استقر السهام
في الصدر كسر عظامة=والقلب بين العظام
خائف يصيد الحمامة= غراب وسط الحمام
منظرة منظر شنيع=ياساكنين القطيع
ياساكنين القصور= العمر مشوارة قصير
على ممر العصور=لابد لك ان تسير
محمول فوق الظهور=والقبر مثوى اخير
ويشهدون الجميع= ياساكنين القطيع