ابديت بك وادعوك ياجيد وغيرك ما يجـــــود =ياحي ياقيوم يامطلق من الساق القيـــــــود
إسألك غفرانك اذابيتت وحدي في اللحــــــود=قال القعيطي:طول ليلي ما تهنيت الرقــــــود
لاهم من دنياءولامن عشق منسوع الجعـــــود=شيبه في التسعين متوجه الى دار الخلــــــود
عسى يقع مسكني في الجنه وعلى الحوض الـورود= ولا علي قاصر ولا السلطان يطلبني نقــــــود
ساكن في الدكن بلد عثمان سلطان الهنـــــود = سلطان بن سلطان عاالعزة يــــــــــذود
لكننا تأثرت من خفض الشرف بعد الصعـــــود =اخبار بلغت ماتسر القلب من أرض النجـــــود
راحت جهة لحقاف لحمة فاس سرحت بالـــبرود = راحت مع الصاحب بلا قيمه ولاسلم نقــــــود
آه على الاوطان ياغبني على مثوى الجـــــدود = كم صحت كم ناديت كم بينت به قبل الوجـــــود
لكننا معذور واحد عود ما منه وقـــــــــود = وين آل عبدالله وهمدان القواسم والعمود
وين بن مطلق ربيعه وين بن سالم عبود =وين القعيطي وين يافع لي يطرق عا لربود
لي يرعضون السيل مجرى يطلعونه في سنود = وين التميمي والمناهل وين بن عبد الودود
وين الشنافر وين نهد اللي يزرون الشدود = وين الجعيدي وين كنده لي تعزوا بن كنود
والعوبثاني هو ويا سيبان شرحان الحدود =وين باصره وبن صالح محمد بو عمود
وين الذي قالوا حميناها بأسرار الجدود =هم حضروا البيعه وهم وقعوا على البيعه شهود
يا حر جوفي يا حياة الذل يا حرق الكبود = قده احسن المسراح والمسكن يقع في ارض الزيود
والا الى مكه نترعوا لفيصل بن سعود = ابن الامام العادل المنصف على رغم الحسود
هو جاور الكعبه وجار المصطفى فخر الوجود=عليه صلى الله دائم حل حنات الرعود
ماراح اقول حد من الوادي
اقول نشمي وحمر عين من الوادي
صح الله لسانك مليون ولايكفووون
ابيات روعه بروعه قائلها
ولاهنت ولاهان غاليك
تسلم على النقل المتميز الذي يدل على ذوووقك الرفيع
عساك ع القوة والتميز
دمت بود