[Al-Nahdi]

ألقيت هذه القصيدتين في مهرجان العواد بمديرية حوره ووادي العين

بتاريخ 15/12/1425هــ
الموافق 4/1/2007م

"يا الله اني طلبت العافية والستـيره = والبنود الحميدة حــق شــرعـــي ودستــــور
قال بن بدر في عيني تقول الذخيره = قلها هاجسي شيء عاده في الكيس مذخور
يا أهل بغداد يوم العــيد حجة نكيـره = شنق صــــدام يوم السبـــت باطـــل ومنــكور
ياعــرب ذا نهار الشـؤم يوم الكسيره = ويش يجبره من ســـاقه ملـجـلـج ومكــــسور
ياجـمـل كنت عام أول تقود القطيـره = والقعادين كلا بك مــــقـــيد ومــــقـــطـــــور
يشهد الفاو والبـــصره نهــار المغيره = يوم الاهـواز بالقوات والزحف مغرور
والقت أم المعارك دهن جيد عصيره = والمعاصر لها جلجل تخرجه معصور
يوم لقوا قتب ضيق وغرضه قصيره = شفت بعض المجوره عندهم كل تقصور
ويش باقول قولي خيرة الله خيره = حنبت الساعية ولعاد طلعت من الخور
فعل من لا يشاور ما نشد من شويره = عاش صابر على ماجاه من قلت الشور
يالشهيد المناضل يازعيم المسيره = طاب مثواك في الجنة مكرم ومسرور
ظلت الشمس في كبد السماء مستديره = كل واحد وله قسمه لا جاله الدور
كان حراث لحليه يشق النصيره = فرق الذري كله بين ناصر ومنصور
لعنة الله على كل من يخلي خبيره = عثرت الخيل في حافورها كان خابور
والف صلوا على المختار مولى البصيره = لي زيارته عندي خير من لاك مصرور

وقال في القصيدة الثانية:

"ياسليمان شف ماشي معي قلب سالي = وقتنا عاب وأنته ماتجلي عيوبه
يوم جاني خبر صدام سمسر بحالي = ما معي شيء دواء راسي تناقح ضروبه
زلزلت الارض وأزتاعت جميع الجبالي = وينكم يارجال الدين وين العروبه
يا الله أدعيك يا والي على كل والي = عز الاسلام لي بعض العرب مادروبه
يا أهل بغداد راح العز لا هان غالي = ما تفكون حبل المشنقة من عصوبه
هب الزيب وهب النود نود الشمالي = عاد شيء غيث والراعد يحن في طهوبه
روس دوعن ووادي عمد خلة الخيالي = كل حراث قسمه بايجي لا جروبه
يوم شليت شالك باترداء بشالي = ما تشوف الخضر مخلوس ما شل ثوبه
قالوا أبطال في العوجاء رجال القتالي = والرمادي وفي بغداد صامد جنوبه
حطتوا أثقالها والعلو فوق الجمالي = عاد شيء بايقع تحديد يوم العقوبه

كلمات الشاعر/ مبروك بن صالح العوش النهدي

<منقول من مجالس نهد>

والسلام عليكم ورحمة الله وبركاته ...




.