تجي تبعد على كيفك لمثلك ماحسبت حسـاب
تجي وتروح ماتفرق ترى عنـدي غـدا عـادي
هذاك أول أبي قربك خطاك أنساه دون عتاب
تقول إبعد وأجي يمك أحسب إنـك لـي تنـادي
لأنك كنت لعيوني نظرها وللجفـون أهـداب
أشوفك بالسماء نجمة سحرنـي نورهـا الهـادي
حسافة خانني قلبي وجعلتك سيـد الأحبـاب
أحب اللي يحبونك وأعـادي مـن لـك يعـادي
أنا لو كنت أعرف إنك تبدل لأتفه الأسبـاب
ما أنزل قـدري لقـدرك بعيـد عنـك يالغـادي
أنا ماهي من أطباعي أداري خاطر الكـذاب
أقول الهرج فـي وجهـك ومنـت قـد العنـادي
ترى لي عزة ترفض أماشي الواشي المغتاب
ترى فرقا الرديء مثلك أحسبـه ثالـث أعيـادي
تحمل غلطتك وإرحل وأظنك فاهم الأسبـاب
وأنا رحـال وفراقـك منـاي وغايـة مـرادي
أبي أعتبرك مثل حلم حظر وقت المنام وغاب
وهم زار الخيال وراح فعل ماضـي ولا عـادي
أبي أدور وفي مثلي صدوق وللوفاء طـلاب
على وضح القدر يمشي ويرفض فكـرة إبعـادي