مساجله جميله بين الشاعرلقناص وباكعيكعوه والغازي
قال باكعيكعوه
من يحب الوطن يبقى لموطنه مخلص =حيثما كان في الأخلاص قط لايتـرك
وإن تهاون في الأخلاص كلمته تنقص =مايقولـون عـنـه الـنـاس لله درك
قال القناص
في قوالك حكم والبيت يعجب مرصص =والمعا ني نظم وفي حـدوده تحـرك
كيف للطير يعلا نصف ريشه مقصقص =وان نوا بايهاجر للوطن خير وابـرك
قال باكعيكعوه
باعطي لك فقط نبذه وموجـز ملخـص=عندما تسير من مطرحك شه قل قدرك
والعزيمه تقل عندك وغاليـك يرخـص=والمكاسب من الغربه معك ضيق صدرك
قال الغازي
ماترخصت لانه من ترخص تمحص=باكعيكعوه ماعرفتك ولاعرفت فكرك
انت لافطرت عاجبنه وروتي وحمص=باقي العمر عايدي اذا طال عمرك
قال باكعيكعوه
"]
ما انت شاعر على توك كما الهام تقبص=بادعي الله يالغازي بتكفاة شرك
نا حسبتك سلي شفتك تغنـي وترقـص=ماحسبتك تضر الشخص ذي مايضرك
]قال الغازي
كم واحد مثيلك قد وصـل باينغـص=مالحق سوق يتسوق واقوله لسرك
ليهو الصبح جانا والعشيـه تقحـص=انتبه لاتضيع يوم برك وبحرك
أبعد اليـوم يالـي جيتنـا باتقنـص=ابعد ابعيد خايف انني اليوم أ ضرك
ساعة الحرب شفني للمعارك مخصص=خله اليوم ياتي من نضحلك وغرك
]
قال باكعيكعوه"]
خاف لادخلت بطنك في الزوامل تمغص=مامعك حال للزامل اذا طال صبرك
ذي معك كلهم راحوا وزخمك تقلـص=وين صاحبك ذي دايم يقع عامجرك
ذي عطاك القصيد الزين منك تقـرص=شل قرصه وروح واترك الحبل زرك
في شنوف العضيده مايقع اكل فصفص=ذه زوامل مثيل السيل شفها تترك
وكلها على سبيل الدعابه مع الغازي نكن له كل حب واحترام ولايعرفني ولانعرفه الا من الصفحات