مدخل :
أحبتي في الله :
هاهي الأيام تمضي سـراعاً
ويعود شهر الفضل والبركات أعاده الله على الجميع بالخير والمسرات.
ولسـان الحال يقول :
رمضان ما كن لـه سنـه=من راح في العام ( الأخير)
تمضـي سـراع الأزمنـه=في كل سنه وانتـم بخيـر
ماأجمـلـه ماأحسـنـه=عن كل شهور العام غيـر
فيـه النفـوس المومنـه=إتْـحـس بالخيرالكثـيـر
*****************************
السـلام عليكم ورحمة الله وبركاته
رمضان مبارك وكل عام وانتم بخـير. أحبتي تعلمون ان لهذا الشهـر الكريم روحانيه ومكانه خاصه وهو شهرخـير وفضل وعـبادة وكان من المفروض ان يُستقبل بالذكر وقراءة القران .ولكن للأسف الشديد نجـد العـديد من القنوات الفضائية تعد له العدة في كل عام وتخص هذا الشهر الفضيل بعدد من المسلسلات والبرامج التي تتنافى مع روحانية ليالي وايام شهر رمضان المبارك . إليكم هـذة القصـيدة التي كُتبت من أجل ذلك . ... سايلا الله ان يعيننا واياكم على صيامه وقيامه
رمضـان شهـر الصـوم هـو والعـبـاده=ماهـوب موسـم للأغـانـي والأفــلام
إنولـهـا لـلـي مـصــر فـــي عـنــاده=ويبـث سقطـاتـه لـنـا عـبـر الاعــلام
عــرض الفـوازيـر الــذي صــار عــاده=يغـتـال روحانـيـة الشـهـر كــل عــام
وخـيـام تُنـصـب لـلـطـرب والـقــراده=مـاهـي لـذكـر الله وتفـطـيـر صـــوام
فـيـهـا عـــدو الله يـنـشـر فــســاده=رقص وطرب وعرض فاضح للأجسام
ماخافـوا الله مااستحـوا مـن عـبـاده=ماقـدروا المسلـم ولاديـن الأســلام
إيــش الغـبـاء هــذا وأيــش الـبـلاده=يستقبـلـوا شـهـر الفضيـلـه بـالآثـام
دعـوه لكـل مسلـم ليعـلـن جـهـاده=عـلـى محـطـات الرذيـلـه والاجــرام!
الـلـي تـشـن حــربٍ بـلـيـا هـــواده=علـى القيـم وتبيـع للسـذج أوهــام