يشرفني ان اضع مساجلاتي مع شعار السقيفه امامك واضعها تحت المجهر
وذالك من اجل مراجعتها من قبلكم وتصحيح الخطا ان وجد لاسمح الله
وانا سعيد بنقدكم واطلب منكم النقد الهادف بكل امانه
اهدوني عيوبي اهديكم محبتي
باخريبه
كان الخريبي في زمانـه ينتقـد=واهل الخريبه عالعوايد ينقـدون
لي ماتعلم من طريقـي يبتعـد=واهل الشتايم من طريقي يبعدون
طالب النعماني
شف كل قبيلي عند جدك ينتشـد=واهل السقيفه عندكم باينشدون
مابا الوله وسط السقيفه يعتصد=لاتترك الفرصه لهم ذي يعصدون
علي بن طالب
بيبانا مـن سمـح هـي ماتنقلـد=وأسال هلك من سمح هم لي يقلدون
مابـا تقهـد منكـم مابـي قهـد=البخص عاغيري ليالـي يقهـدون
طالب النعماني
في غير رب الكون ماحد يعتقد=من باخريبـه كنكـم تتعقـدون
قلوا لبوطارق بجيشـه يستعـد=ماباه يغضب والجماعه يسعدون
بن قطمان
اهلا وسهلا قال بن عبدالصمـد=اهلا بكم ياذي معي باتكتبـون
رجال محسوبه عليكـم نعتمـد=والقصد واضح للذي هم يعرفون
اقوالكم فالمنتـدى تـوزن بلـد=والناس تقراها بها يتسامـرون
وخلافكم خلف وسط جوفي وقد=وقلت مابدخل ولاهم يحزنـون
وارسل تحياتي ولاهي بالعـدد=لكم جميعا يالـذي تتصفحـون
جمال العطاس
لعل هذه العين ماجاهـا الرمـد=وخصومها يالله عساهم يرمدون
ياهاجسي ذا قول من شاعر ورد=بايطرب السمّار لـه ويـرددون
أشهد أنا والشّعر كله قـد شهـد=والقافية والحرف لك بايشهـدون
يطرب لها الشيبه ومن عاده ولد=باتعجب اللي عادهم بايولـدون
تعال بانحكم على كل من لحـد=وسورة الحج حكم ع ذي يلحدون
طالب النعماني
دايم وقولي في السقيفه يعتمـد=مالي ومال الناس ذي يتعمدون
خوفي من الله في نهار المحتشد=مابا مع ذي هم لناره يحشدون
المخشني
إيقول طالب ما نبا مـن حـد رد=مكتوب ... نبغاها القوافي ترددون
ونبغى الكلام الزين ريحه كالزبد=خلوا الذي هم في العشاوة يزبدون
وادي العيافـه نحمـد الله إرتبـد=خابوا الذي هم من مياهه يربدون
منحبّه المشقِط و( ملغون )الكبـد=يكفي العرب دنيا بهـا يتكبـدون
نبغى سمر منظوم كله عـود نـد=مابه عُوَل يتشاجـروا وينـددون
يا معشر الشعـار خلوكـم سنـد=للمخشني يفرح بكـم وتسانـدون
وين العمودي يا عسى إنه ما إنكبد=وألا جهازه قد غدى مايك بـدون
فصل ثاني
علي سالم البيض
ياباخريبه حطهـم فالمشرعـه=وانته لها جـدك وقـع ربانهـا
واحد وقع صمصوم شتت باربعه=مايحسب الحلمـه ولا قردانهـا
والبيض جمبك بايسوي فرقعـه=البلد بيده سحـب سكانهـا
منشار في يدك ولاهو مقطعـه=من مقطعه ماباتقـص عيدانهـا
العب بهم لعبت قطـط متبرقعـه=لاتبرقعـت ماباتهـم جرذانهـا
باخريبه
يالبيض شف جحدر مسوى صرمعه=باع الكرامـه بيـع فـي دكانهـا
ان باتـرده مـن خطـا بايوقعـه=يوزن بيوته عـدل فـي ميزانهـا
ون كان بسـه باتسـوي زوبعـه=والله باقـطـب لـكـم اذانـهـا
باخريبه
يالبيض باحرك زرار المطبعه=وانت فهم معناي من عنوانهـا
جحدر معه اسمين وانته بربعه=والمشرف النائب عمود اركانها
طماع في طماع زايد مطمعـه=يمكن معه سته مخفي شانهـا
الاشتراكي
ياباخريبه حطهـم فالمشرعـه=وانته لها جـدك وقـع ربانهـا
واحد وقع صمصوم شتت باربعه=مايحسب الحلمـه ولا قردانهـا
والبيض جمبك بايسوي فرقعـه=عاد البلد بيده سحـب سكانهـا
منشار في يدك ولاهو مقطعـه=من مقطعه ماباتقـص عيدانهـا
العب بهم لعبت قطـط متبرقعـه=لاتبرقعـت ماباتهـم جرذانهـا
فصل جديد
باخريبه
قال ذري الخرب قد التحدي وقـده=وينكم ياصحاب الشعر حان التحدي
سيف مسلول في يدي وسنيت حده=وين بقرة محمـد باذبحـا بيـدي
البكري
كل من تحدى من المجانين عده=وان كانه شاجع قله قبل سـدي
ذا الميدان واسع ماشي لي يحده=هت لي مامعك شف الوقت يعدي
البكري
البلا والاذيه لكل واطـي ودونـي=والتحدي لكل مجنون عين الصوابي
باترفع من الشر باعمد في حصوني=ولا جاء الريح عندي باقلدها بوابي
بانام قرير العين وبغمض جفونـي=وباترك المسيال تدبي فيه الدوابي
باخريبه
مثل ذولا الذنايب ياعمـر ضحكونـي=ضحكوني وغثوبي وحرقوا عصابـي
وايش من قول ذا ياذي خربتوا وزوني=قول جعلا لهم طعن الرهاف الجنابـي
البكري
كل من تحدى من المجانين عده=وان كانه شاجع قله قبل سـدي
ذا الميدان واسع ماشي لي يحده=هت لي مامعك شف الوقت يعدي
باخريبه
التحـدي لنـا والجيـد يطلـع لـجـده=وانت جدك ضعيف النفس مش مثل جدي
ياقليـل الحـيـاء ذا قــول بالله رده=مايساوي ولا نقطـه مـن اقـوال ردي
الغازي
مرحيب من شرف وسيفه بيده=مايهاب الخطر ذري الخرب والتحدي
يسأل على ثور العمل بعد كده=واليوم يالبقره في الحرب هدي
البقيه تلحق