| اقتباس :
المشاركة الأصلية كتبت بواسطة المخشني
[ مشاهدة المشاركة ]
|
ياريت صنعاء تقترب للكر عا جال الهدى=وألاّ المكلا تنسحب لمّا بريده بالقصيم
الناس من برلين لا غبشوا يجي وقت الغداء=وهم وسَط مدريد لا تعقيد وألاّ سين جيم
ذا حالهم وحالنا والله ما يسر العداء=دايم بواب الخير مقلوده وملحومه لحيم
هتفه على يعرب لهم إعقاب من رب السماء=كل يوم نخرج ياعمر يا الذيب من ذلّه لضيم
وعاد الوزيري با سمع رأيه عسى رأيه سوى=من نسل بن عبّاس ذيه إيجيبها قشعه وديم
وخالد المرّي دلي قل له بدلوك في الدلاء=حكمتك معهوده وشورك شور دايم في السليم
محمد بن سعيــد بن مخــاشــن
|
باريت صوت المخشني مسموع او يلقى صدى = هرجه منقح يا عمرذا صدق في وسط الصميم
مرحيب بك مرحيب يا بن عمرو يا سم العداء = صل عالنبي واستهد بالله وادحن ابليس الرجيم
نبغى المكلا حيتها تبقى منــــــــاره للفــــــداء = هـــــــــــذه وصيه وانت خذها يا محمد من حكيم
وانك تبا سيحوت تقرب بالمجوره للـــــــحداء = والا عدن تغـدي بضه والعاصمه تصبح يــــريم
ذاحلم تحلم به تخيلته على طــــــــــول المدى = ما باتشوفه طول عمرك وانت افهم يا فـــــــهيم
كــــــم لك تنغب تنتخي ولا ملبي لـلـــــــنداء = وانته تصـلي يا محمد بـين زمزم والحـــــــــــطيم
العد عنـــــــدي يامحمد بالتــازل قـد بـــــداء = با نلتقي في القطن او ســئؤن والا في تريــــــــم
ارضي بلادي غاليه عندي ولو فيها الردى = والله متركها ولعطيـها ولا بقـبل قســـــــــــــــــــيم