يقول شاعر بانصح شعب اليمن=لا يقسمون الصف يلقونه ثنين
رغم الغلاء ذي في المعيشه واللبن=هي والبلاوي شوف عدنا كاسبين
ما شوف داعي للمشاكل والمحن=خايف يزيد الماء و يخربلي العجين
جربت في بغداد ودفعت الثمن=وبكيت دم من ذي حصل نمسي حزين
والقدس بتنادي ودايم في سهن=من ذي بها كل يوم تردف بالونين
والجسم كله جروح ما فاد الحقن=يالله بنظره دايمأ بك نستعين
ولايش بادخل بلادي في فتن=وانا احبها اكثر من عيوني الثنين
حبيتها ورضعتها سعف اللبن=من عادني مولود عمري ساعتين
ودعي لها في كل فروضي والسنن=يارب تحفظ لي بلادي يامعين
قليل كل ما قلت في امي اليمن=تستاهل اكثر يالوعول الحانيين
هذا كلامي مش لصنعاء او عدن=لناس لي تفهم كلامي ورطين
الله واحد والنبي جد الحسن=ماني يساري او من اصحاب اليمين
ما قلت ذاء شعري و نبغابه ثمن=ما غير اجري عند رب العالمين
لما مته يالعٌرب ياطاحن طحن=ما نلعن الشيطان وابليس اللعين
وختامهاصلومعي عامن سكن =طيبه وتبعوه والرجال الوافيين
ااااااااااااااااااااااااااااااااااااااااااااااااااااااااااااااااااااااااااااااا
يا مرحبا با قوال عا معنى وفن=خلن عمر والهجس يمسو سا هرين
في بحر يتلاطم مسينا وسط خن=في مركب الشعاربتنا ساريين
ساعه يفطني وساعه نا فطن=ودونت ما فطنته لكل عاقل فطين
يكفيك من نو متك يا نايم ذهن=ما دام خلق الله حولك ذاهنين
اثبت وجودك في الشدائد والمحن=واغلب على حقك وطع يا سالمين
حذرك تصدق لي يقربعلك بشن=مادام عنده الناس مش متساويين
حسني مبارك لي لقاء اربع غون=في حبل غزه والرجال امحاصرين
ماقال اعضا الجسم عينه في البدن=وشل معا ليسار عاليد اليمين
غلطته في ميزان عدله ما وزن=وين العداله يالقضاه العادلين
قولو لبن با حرس شف عمك حسن=لاكل ربع في التيس والكبش السمين
يعطيك نص قيراط ويزيد الثمن=ليهو بعشره لك بخمسه واربعين
وعاد فوقه مغص من كل العين=والما غص المخفي الم مابا يبين
توحيه في جوفك كما سم الدفن=وان قد هدالك حين يرجع بعد حين
لما يجيب اجلك وتطوى في الكفن= امثال لي ماتو بسمه واجدين
وان قد قبله الجسم سوالك عفن=والام ومراره على ذلاق اللسين
الام وعوارض خبيثه يقطعن=في لحمك وعظمك الما ان يلين
وتمد فرشك بعد ما طال السهن=وتبات عا جنبك ترادف بالونين
اشهور جم وسنين عد كم روحن=وانته تنازع في حبال الزاهدين
وان معك وعيال عمي في المكن=ما حصلو نصفه في الحصن المكين
والزقر والزقره ولم ايغفلن=من جور ماصاب العرب والمسلمين
باطل ومنكر في السنين اللي مضن=كم صحت من جوره بصوت الغا فلين
في القدس والضفه وغزه كم بكن=كم بنت كم من ام وابا باكيين
واكبر مصيبه فيك ياتالي زمن=ان نحسب انا حيا ونحنا ميتين
عمر الذيب