متواضعه للتواصل مع قلوبكم الوفيه وذائقتكم النقيه
أزمـه وتــعــدي
يا رسول الشوق بلغ هاجري وافر سلامي = قبّل إيدينه وقله انني مشتاق حدي
تمضي الأيام هم وغم واحزان وهيامي =ويمضي العمر الشقي في عنتريات وتحدي
كم قهرت الروح لجله كم ظهرت البوح سامي=كم حلمت وكم سئمت وصارت الحاله تردي
هو يعيش إبصبح وآنا وسط دواّمة ظلامي =ما اعيش الفرح إلا من أرى طيفه مهدّي
وضع قاسي ما ابيه ولا ابي شوفه امامي = إلا كان اصبح قرارٍ(ن) واتخذه الوقت ضدي
ليش انا بالذات دايم يعترض صفوي غيامي =ليش انا بالذات دايم ينكسر عطفي وودي
ليش انا بالذات كل ما برمج يهنّق نظامي = ليش انا بالذات كل ما ضمّد إجروحي تندي
ليش انا بالذات حلمي إنصياعاته جسامي = ليش انا بالذات حظي عاثر إبمزحي وجدي
وليش انا بالذات كل ما طار سرب ٍ من حمامي= عاد لي نوّاح يشكي من معانات التصدي
وكل ما حاولت اخطّي خطوةٍ تشفي سقامي = تعترض دربي طواري تلتهم حري وبردي
لكن الشي الأكيد اللي اجد فيه إنسجامي= انني من جيب طاري خلي آمالي تجدي
ثمٍ(ن) ارجع صبّر افوادي وكرر في كلامي = يا ولد اصبر تراها فرقعات (ازمه وتعدي)