[سبع الليل]

لازلت ببعث في قضايا كاذبه ومزيفه=فيها خبر قالوا وقلنا أه من قيلا وقال

اول قضية بوحمد هل هي قضيه مشرفه=ردوا علي ياهل التروي بالوفاء والاعتدال

والثانيه لوضاع تتبعها الفعال المقرفه=ياكم وياكم من دول فيها الشتايم والبدال

والثالثه الاطماع لي وسط القلوب ملفلفه=ناموا على ديباج وحنا عالجواني والحبال

والرابعه ماشي قرابه بينـــنا او معرفه=عرق القرابه مانبت من حرب والا من قتال

ذا فصل يالهاجس بدع خل الحليله مكتفه=هت مابدى لك وانتشر مثل الشوامخ والرجال

الحال يتسمير والابار الغنيه منشفه=حتى مياه الشرب وجبوح العسل ذي هي حلال

من بايرد الهيج لي يهدر ومن بيوقفه=الابار قدامه ويشرب من كرع صافي زلال

ريض عياله وان ظمي واحد بسرعه يسعفه=وحنا على الهامش نخطط في هوانا والخيال

ولعاد شي شغله معانا غير كثر العفعفه=وتمشيه من حيط لما حيط نبحث عالضلال

شغل الغني مصلوب وما شغل المقل يامعيفه=انه سوى وانه غوى عكنوه مثنات التفال

هذا قدرنا قالوا اصحاب السيول المردفه=انتو تبع شوكم لنا منتو كما اصحاب الشمال

قلنا لهم وايش الخبر هذا ومن لي ألفه= هذه اراضينا وارض اجدادنا هي والعيال

يكفي كفى من بلبله ياهل الشمال وفلسفه=عشتوا وعمرتوا ونحن في مصايب واحتلال

القصد بانصبر على اشياء كثيره مكلفه= والتاليه باقولها لابد نحقق الانفصال