هذه القصيد للشاعر ( محمد عوض الحباني )
----------------------------------------------------------------------------------------------------------------
ياباسط اليدين لي رزقك في الدنيا بسط=ياخالق ايامك وياخالق ليالي مظلمات
تصلح لنا لحوال وجنبنا من افعال السخط=وان زلت لسلني بغفله دلها عالصايبات
صلو على ختم الرسائل لي تلزم واشترط=صلى عليك الله ياطه حبيب الكائنات
سلا عالصفراء شبام مرسول في بنكس وخط=حلو بها اهل السلاء واهل القلوب الساليات
ياباجبير سعيد بابورك معشق في الوسط=سقيتنا صافي وانا بسقيك من سكر نبات
جينا من البندر تعنينا على شانك فقط=والعز والمقدار يبلغ للقصور العاليات
باخريصه بن عمر صالح على العهد ارتبط=بالزاد والمزناد جاب الاوله عالتاليات
وعلى ولد حيدر وله كبريت في الاعداء شخط=يابو عوض يهناك يامولى الشروع الوافيات
غن يامغني ماتشوف الدم في اللحم اختلط=ذرعو ثلاثين الف حضروا واربعين مسجلات
لقوا لنا واير وسماعه تقول الا نشط=وان زلت السانك صبح هرجك يحن في الوايرات
حطت قواطرنا وكم من هيج وسط الطرف حط=ولا يشلين الثقل الا الجمال المثقلات
الديك لزرق لي ترباء في السواحل ديك بط=نجحنه كسروها وزقلوها خبيثين النيات
هم غلطوا بقعه وعاد احساب من بعد الغلط=خمسين كراني معي واربع ميٌز متقابلات
مدادنا معنا في الاقلام مدينا النقط=وحسابنا مترب قدر لحظه رقبناها ميات