[طارق محمد مبارك]

الوو
مرحبا هاد تلفون ابو عوض ( عاد بكون ماخد رقم البنت من صاحبه )


البنت : لا النمره غلط .

الشب : عفكره صوتك حلو والحمد لله انه ربنا خلاني اغلط بالرقم عشان اسمع هاد الصوت الحلو

البنت : ليش بتخفف دمك ومين اعطاك رقمي .



الشب : والله اني غلطان بالرقم وتخربطت باخر رقم ( عاد صاحبه الي اعطاه الرقم قاعد جنبه )



البنت : طيب خلص شو بدك ؟



الشب : مالك معصبه يا ستي ؟ اسف اني غلطان بحقك وما حرن عليكي مره تانيه

بس على كل حال انا كتير متضايق ومش لاقي عروس . عاد مش ناقصني اشي والبنات ما بصمدو معي واول ما اسكر الخط بدي انتحر ومش لاقي حد يسمعني وكنت بتمنى انك تسمعيني بس يا خساره . يلا باي



البنت : استنى استنى . انت شو اسمك ؟



الشب : اسمي رامي . مهندس بشركة نفط بالخليج وجاي هون اجازة ( عاد بكون اسمه عواد وعنده كشك سجاير في البلد )



البنت : شو برجك ( هاد اكتر سؤال بسألوه البنات )



الشب : برجي الجوزاء



البنت : كيف شكلك



الشب : طويل وعيوني خضر وبلعب حديد

بس صارلي تارك فتره عشان هيك نصحان شوي . بس راجع العب ( عاد بكون شبه شعبان عبد الرحيم )



البنت : مش مهم الشكل انا ما بهمني بالشب شكله المهم عقله يكون كبير .



الشب : لا ما تخافي من هاي الناحيه كل اصحابي بحكو معي عشان احللهم مشاكلهم

ولله الحمد انا زلمه راكز وقد حالي وكل الحاره بتحسبلي حساب (عاد بكون هو مشيب اصحابه وسبب مشاكلهم )



البنت : لالا مبين عليك قد حالك وطيوب بس ليش ولا بنت بتصمد معك ؟



الشب : كل بنت بحكي معها ابتتجوز او بتخطب . وكل ما احب بنت بتخوني وبتغدر فيا عشا انا قلبي طيب ومخلص( بكون هو حالق لكل البنات وعمرو ما اخلص لحدا )



البنت : يا حرااااااام



الشب : ما قلتيلي انتي مرتبطه او مصاحبه ؟



البنت : لا عمري ما حبيت ولا حكيت مع شباب



اهاااا ( وببعد السماعه عن دانه وبصير يضحك عشان بكون قاعد معه اصحاب البنت الاربعه الي صاحبتهم من قبل )



الشب : طيب انا لازم اروح هلا عشان سيارتي البي ام صافه بنص الشارع . برجع بحكي معك

( عاد بكون رصيده خلص وراح يفصل الخط ومعوش حق سكوتر )



وهيك بتستمر هاي المكالمات لبين ما يخلص الشب من البنت . بحكيلها انها خلصت اجازته ولازم يرجع يسافر وبعدين بيعطي رقمها لصاحبه التاني وهيك تستمر المهزله !