هذه القصيد للشاعر ( محفوظ جمعان باصويطين ) رثاء في الشاعر صالح ربيع بالسود الله يرحمه
__________________________________________________ __________________________________________________ ________-
يالله يارباه ياعالم بما هو في الصدور=ياحي ياقيوم شل الهم مني والكدور
يامن له القدره على نبت الغوارس والبذور=سالك بغفرانك لنا يوم القيامه والنشور
والف صلاة عدد ذيك الكواكب لي تدور=عالمصطفى الهادي محمد ذكر من بعده سرور
وألال والاصحاب لي هم قد توارو في القبور=اهل التقى واهل النقى والعز والقلب الطهور
سلام للصفراء شبام ام اليتاماء والقصور=العاليه وباخص به للنخل ايظا والذبور
وعلى جميع الناس من شاعر يبلغه الحضور=من عند ابن جمعان بن محفوظ جبار الكسور
يقول من بيٌت تكاحمه العواصف والفكور=لا نوم يهناء له ولا لقمه تسد ريقه فطور
الحزن في قلبه وجوفه باتنتخه القهور=على فقيد الشعر والشعار خيال العصور
الشاعر المغوار لي خط القوافي عالسطور=واقوال مازونه قويه مايقاربها الفتور
حزنت شبام العاليه من شرقها لما خمور=حتى الجبال السود والوديان حزنت والحسور
وتبلٌغت لحزان الى وادي الدواسر والنفور=لا ارض مكه والمدينه والحساء ارض التمور
مشهود له بالعدل والحكمه وترتيب الامور=صالح ربيع بوربيع اسم محبوك النزور
منذ زمان السلطنه عاصر دحاميل الصقور=صامد مع العِده سنين العمر كله والشهور
افناء حياته لجلها طيلع ونيدر في الحدور=مع رفيقه مقدم العده تساندهم نمور
ورجال غواصه تجيب اللول من قاع البحور=اهل الشنف لي هم يحكمون المراسي والشمور
احياء تراث اجدادنا المدفون فرعه والجذور=خلاٌء شبام العاليه تزهاء وتنفح بالعطور
سالوا له الرحمه من المولى وتخفيف الوزور=والعفو والغفران والتثبيت من ربٍ غفور
يسكنه في جنه فسيحه ماتقاربه الحرور=خالد مخلٌد ماعليه قاصر ولا منه قصور
بجوار حوض المصطفى بين الحدائق والزهور=يشرب ويتهنى بريح المسك منه والبخور
والختم صلوا عالنبي تعداد همسات الطيور=عالمصطفي الهادي شفيعاً لمته يوم النشور