( من الإرشـيـــــف )
لا تـلـومــونــي
لاتلوموني إذا تهت إبهواه = إتركوني هايم إبأجمل خيال
وش تبو مني ونا روحي معاه = هو مثل ظلي ونا له بالمثال
الحبيب الطيّب الغالي غلاه = أطرب إبذكره وأسلى بالسؤال
هوالطبيب اللي تشافيت إبدواه = في الهوا ذقت المصفى والزلال
يعجز إلساني إذا بوصف رضاه = أو بغيت أشرح طباعه والجمال
تحفةٍ(ن) سبحان من صور بهاه = كامل إبوصفه ولله الكمال
مايهمني من وقف معلن عِداه = وماعلي في الناس وفقيل ٍ وقال
آه من كيد الحواسد والوشاه = غدرهم للحب سريع الإشتعال
قالو قد شفناه متكدر صفاه = يمكن إبغيرك تولع وإستمال
أو لقى في العشق من يسر مناه = وإتركك ويّا خيالك وإستقال
إتركه وأبعد عن إدروبه وخُطاه = خله أيدّور على غيرك بدال
لاهو أصلح لك ولاأنت أبمسـتواه = في العلالي فوق مصعوب المنال
قلت ياناس الهوا ماهو بجاه = ولا بكثر الحكي وبكثر الخِصال
الهوا عندي مزاج إبمنتهاه = لا يحب فتنه ولا يقبل فِصال
إبعدو عني وسيبوني بسـماه = ريحو أنفسكم من الشك والجدال
لو تقولوأهجره وأعلن جفاه = لاحشا ماقولها والله مُحال
هو حبيب الروح وأنفاس الحياه = كافيًا ياناس نصب وإحتيال