[عدنان ابوبكر بن عفيف]

	بسم الله الرحمن الرحيم قصيدة متواضعة بمناسبة حفل تكريم أوائل الطلاب بمدينة الهجرين التاريخية / محافظة حضرموت / يوم الجمعة بتاريخ 3 رجب 1430هـ الموافق 26 يونيو 2009م . شعر / عدنان أبوبكر بن عفيف تهانينا لمن فازوا ملايين بديت القول بإسم الله ربي إلآه الكون كافيني وحسبي وهو لاقد دعيته تو يلبــــي ويقضيها حوائجنا لنا يعين تهانينا لمن فازوا ملاييــن ويارب السماء صلي وسلــم على خير البشر طه وكـــرم رفيع المنزلة اعظـم معـلــم وأصحابه مع الآل الميامين تهانينا لمن فازوا ملاييــــن وقم ياهاجسي سجل قصيــدة بلهجة دارجة سهلة مفيــــدة وقل ياربنا ذا الحفــل عيــــده علينا في فرح أعوام وسنين تهانينا لمــن فــازوا ملاييـن ســرح لأم الهـجـر قاصـد وعانـي وشــــل منــي تـحــيــات وتهانــي وعـــش مابينـهــم مرتاح هانـــي قطف معهم غصون الليم والتيـن تهــانيــنا لمــن فــازوا ملاييــــن دخـل لا المدرسه وإحـفـظ دروسـك وطــول فـي مـقـامــك أو جلـوســك وفــي وســط الكمــر مكـن فلوسـك وقر (عم) مع (تبـارك) و (ياسيـن) تـهانـيـنـا لـمــن فـــازوا مــلايـــين وسـلــم عالمــدرس والإدارة وكل طالب عطـه مني بشـارة وكل من يجتهد يجنـي ثمــاره ويعطونه شهادات ونياشيــن تهانيـنا لمــن فــازوا ملاييـن طلـب للعلــم بيـت العلــم عالـي وواظب عالأدب لأجل المعالـي ومـن رام العــلا يسهـر ليالـي ويسعد بالنتيجه في دنا وديــن تهــانينا لمــن فــازوا ملاييـن ولاتنسـى السكـوتي والحكـومـة حضـر معهـم سلاهم والعزومـة وكل من حـب حـد لا حـد يلومــه إذا سـاروا على حسب القوانين تهانينــا لمــن فــازوا ملاييــــن بـلاد أم الهجــر تفخــر وتشهـــد لمـن في النـادرة سـوس وشيــد علـي بن سالـم الشيخ الممجــد سلوا عنه اليتامى والمساكيــن تهــانينا لـمــن فــازوا ملاييــن وبــادحمـــان ماننــكــر وجـــوده ترى غلطـان من ينسـى جهـوده على أهل المدارس فاض جوده ودعمه مستمر من حين لاحين تهانيــنا لمــن فــازوا ملاييـــن نعـم يا بـن عفيـف أهل الأصالة عـطيت الكل ،،، كلآ في مجاله وفــي جـــده تبنيــت العمــالـــة حلالــك جنــة الفــردوس آمين تهانينــا لمــن فــازوا ملاييــن وعاد الباقبص قادوا مسـيــرة لهـم في خدمـة التعليـم سيـرة مباني وأجهزة وأشياء كثيـرة حقائق واضحة ماهي تخامين تهانينــا لمــن فــازوا ملاييـن وبن محفوظ يشهد له زمانه لقى كل خير لعياله وخوانه وله بقلـوبنـا رتبـة ومكانـة ينابيعه غزيرة والمعايـيـن تهانينـا لمن فازوا ملاييـن وبــوعبــدالله المــردوف سالــم لقـى أشيــاء بهــا كليـن عالـــم وكـل مـن قـام بجهـوده يسـاهم يظل مذكور واقع صدق ويقين تهانينــا لمــن فــازوا ملاييــن وعبــدالله حمــد بقشــان وافــي ونعمك به ذهب خالص وصافي يحقـق لك هـدف ظاهـر وخافـي مـواقـف جـم ولاتحتــاج تبييــن تهانينــا لمــن فــازوا ملاييـــن لعبـدالله السكوتي جهد واضـح وأنـا وإنتـم معـه لازم نكـافــح ولا شفنا الغلط واجب نصارح نقول الحق ونجيب البراهيــن تهانينــا لمــن فــازوا ملاييــن ولابـاتـنـتـســي يإبـــن البــطــاطــــي مقامــك فـوق عالــي منـت واطـــي نبـاك تــرد كـــل مــن كــان خاطــي تراعي الفرق بين السين والشيـن تهــانينــا لمــن فـــازوا مـــلاييـــن وأنـا معكـم بقـــدر الإستطاعـــة وباحـافظ علـى ( لم ) الجماعـة ولأمـرك يالقـدر سمعـآ وطاعـة وكل قاسي يجي له وقت ويلـين تهانينــا لمــن فــازوا مـلاييـــن بغينـاكـم تشـوفـــون الكــوادر تصفـون السرائـر والخواطـر ولاتخلون شي ناقص وقاصر تراعون الأقارب والمحبيــن تهانينـا لمـن فـازوا ملاييــن نصيحتنا لكل خاسر وراسـب يشدوا حيلهـم عند النوائــب ونتمنـى يجـارون الكواكــب وتتباهـى بهـم كـل المياديـن تهانينـا لمـن فـازوا ملاييـن بــلادي غاليــة والأهـــل أغلـــى وهـم بالذكـر فـي ذا القـول اولى وكل من هو عن أصحابه تخلى بغى له رشخ أو طعنة بسكيــن تهانينــا لمــن فــازوا ملاييـــن وختــم القــول ياربعــي وناســـي أنـا عــدنان وإنتـم تـــاج رأســي لكـم تقديــر من قلبـي وحواسـي وصلى الله على المختار ياسيـن تهانينــا لمــن فــازوا مـلاييـــن ****************والسلام عليكم ورحمة الله وبركاته****************** عدنان أبوبكر بن عفيف [email protected] مدينة جده - يوم الخميس بتاريخ : 2 رجب 1430هـ - الموافق : 2يونيو 2009م.