[اابوداعر]

عوض لاقد معه هاجس يجيب ابيات مخموسه=وبايبدع قوافي قال شاعر ربطها مخموس
على الشعبات لاروس وجاك السيل من روسه=في الوديان بانرعض وباحول بسيل الروس
رفيقي بوعمر قله حوال الناس معكوسه=وبعض الخلق بايتبع كلام الجاهل المعكوس
وشف بعض العرب اخطر على الغلات من سوسه =وجو عميان كالوها على لخماس هي والسوس
صحاب النحس ماعرفوا وتبعوا ناس منحوسه=ولاحد منهم فكر وتركوا تبعت المنحوس
يبى قرشين في جيبه مساء يحسب على افلوسه=ولا عنده في اصحابه اذا حصل قليل افلوس
معلم ماعرف يقراء ولايكتب في ادروسه=ويفشل لارسم خطه بلا موقف لها مدروس
وواحد قد لقاء لحيه ولاخرسن عاضروسه=حذر يابوعمر حذرك من اصحاب اللحاء واضروس
لبى مسعود يتحاسب ويتعلق بحرسوسه=وبايبقى البطل ثابت ولا يرقل كما الحرسوس
يبى التخريب بايفرح لقاء لعلام منكوسه=علامة حزن واكابه اذا شفت العلم منكوس