[بن احمد]

اقتباس : المشاركة الأصلية كتبت بواسطة المخشني [ مشاهدة المشاركة ]

صدقت يا الواثق ولكن إنتهت=كل الفضايل في زمن سالم حصاه الوضع بالمقلوب والناس إلتهت=بمْعاشها ...ما حد على مذهب وجاه والحبل عا الغارب تنسّم وإنفلت=عدّى زمان الخير ... يا ربّي رعاه واليوم لا حبلت شويّه وأسقطت=ولعاد شي بركه بدوعن أو بساه محمد بن مخــاشــن

يابن مخاشن رد يمي خذ وهت=بيني وبينك ربنا لي في سماه
انته قلبت الوضع واقوال الشمت=مثلك كثر طعنوا وطنهم في قفاه
والشهر يابن عمرو ف القبله ثبت=وانته من اهل الموت ماتبغا الحياه
عدى الزمان العيف قد ولا وبت=كان القبيلي فيه يذبح ذبح شاه
واليوم زام الخير كل مرعى نبت=وانته عكست السير هو والاتجاه
هذاك علب اخبيش لي تخبره حت=وانت الذي تعرفه قد عندك نباه