[احمد الجابري]

عوّد لسانك دوب ع الكلمه الزينه ********* وحذر تعوّدها ع الجرح والزّلّه
وخل من قالت لسانه فيك بالشّينه ******** لاتعامله بالمثل ولسانك تزلّــــه
بالعكس قل له كلمه لها الخاطر يطيب

الكلمه الزينه تكسر العظم الصليب

×××××××××××××××××××××××××××
كلمه ترد القلب القاسي الى لينه ******** وترد فيه الروح وتشفي كل علّه
وكلمه بها القلب يخسر محبّينــه ******** ويعيش طول العمر نادم على فعله
ع سبب كلمه رماها بسهمه لي يصيب

الكلمه الزينه تكسر العظم الصليب

×××××××××××××××××××××××××××
ياليّن القول يامن يحكم موازينــــه ******* يامن عرفته دوب يوفي كل وزنـه
يسامح من غلط من قلبه ولايهينه ******* بضرب به مثل ليتك ياصاحبي مثله
ماتعرف الزّلّه لسانك ماتزل وتعيب

الكلمه الزّينه تكسر العظم الصليب