[المستقل]

اقتباس : المشاركة الأصلية كتبت بواسطة القنّاص [ مشاهدة المشاركة ]

اهدي نفس ولاهانه بكل الشوق ناطرها = تجي او ماتجي كلمه ارددها وانا محتار مضت ساعه على الموعد وعيني هل ماطرها = ولكن نبض خفاقي عزفها للفرح اوتار اكيد باقدومها حاسس ظنون الشك قاهرها = فؤاد العاشق المغرم يترجم في الهوى اسرار اقوم اجلس اقف امشي تحمل لاجل خاطرها = مناي اني اقابلها اكلمها واقول اشعار اهدي لهفتي شوقي ونبض القلب عاذرها = اقول في دربها زحمه واخلق للغلا اعذار لمسنا العذر للغايب وعيني غاب ناظرها = عقارب ساعتي ناظر وراقب رنة السيار بلحظه كيف ماادري ونفسي كيف بشرها= قمرنا في السماء وحده على ارضه يشع انوار خفوقي يرتجف طاير نظر عيني يسايرها = مها يوم اقبلت تمشي جميله تلفت الانظار سلام الله على خلي عزم ناسي مخاطرها = فرحنا باللقاء فعلا نسينا الهم والافكار احبك يوم قالتها صدوقه في مشاعرها = انا اكثر انا اكثر احبك قلتها باصرار بدت ساعاتنا تسرع فرح والحب غامرها = بها ذابت مشاعرنا وطفينا لهيب النار بكت واتبسمت قالت عمر اغنم حواضرها = ترا مثل الفرص هذه قليله مالها تكرار بليله تختلف ليله بعمري ليت كررها = اشم لازلت نسمتها بعطر الورد والازهار مذايق تختلف فعلا كثير اذاواق خابرها = مثيله قط ماذقنا وذوق الغير عندي قار صراحه فن في ذوقه وفي الدنيا نوادرها = جماله يعتبر نادر ومني يعتبر اقرار تضل بالعمر ذكراها بكل الوقت ذاكرها = معي دامت بخفاقي وتبقا للمحب تذكار بجو الانس روقنا بكل ماراق شاطرها = عرضنا موجز النشره تفاصيل الخبر اسرار قصائد ترتقي لاجلك باولها واخرها = ولو اكتب باقلامي قضت لو حبرها انهار حروف الشوق لونها بدم القلب سطرها = غلاك اليوم الهمني حروف النظم والاشعار قوافي الشعر ماوفت وذا مقدور شاعرها = بقلبه ماسكن غيرك وبك هايم ولك مقدار

قناص اسم على مسمى واليوم قنصت وتوفقت وبدعت واي ابداع قصيدة في القمة كل ما حاولت ان اوخذ منها بيت مميز وجدتها كلها مميزة
لوحة فنية متماسكة معبرة ...
تقبل مروري واعجابي الشديد