[اابو صالح]

مرسول بوصالح وصلني وأنا له في سهن = وقريت مكتوبة ذو الرأي الرزين
وان كان ماقاله لشعري ماوزن = أش عادني باقول للحارس الأمين
في سطور بين لي قصوري والوهن = بالصدق صارحني ولأقصده يهين
مقبول من رأيه لغيره مارتهن = نثني على قوله وبمثله نستعين
مسكين بوعابد لي إذكر وحن = يشكي لكم حاله وشوقه والحنين
والعيش في الغربة لي يسم البدن = محسوب من عمره ولو جسمه بدين
مسكين متفائل على رغم الحزن = يتظاهر بأفراحه وهو متعب حزين
ياحامل البوسطة إلى الشبامي تعن = مقصدك العالية لي ساسها متين
بلغه مكتوبي وقله يالغالي تمن = بعطيك مطلبك وبحلف لك يمين
لي يعرض أصحابه بأبخاس الثمن = لأتشتري قربه ولو حتى بثمين
وان كان ماطاعك وعاكسك الزمن = بالصبر عاملهم ووقتك بايزين
بداع من طبعه يواجه المحن = لايلتوي زنده ولا لسانه تلين
من حيد باخلفه حلاله والسكن = بايقنص الحاني من تحت الضبين
لايدهر الغوده ولا رخيص الثمن = قوته على الوبران والصيد السمين
والختم صلوا عد ما الرعد حن = ع المصطفى الهادي في كل حين

بداع القوافي[/CENTER][/QUOTE]