في عشقها عدّت أيامي
والماء بجنبي ونا ظامي
في العين خبيتها والنون
وأهل الهوى هكذا يلقون
مسرور لا تزيّد أشجاني
وتقول كُتـْـبوا على ألحاني
خلّيه ناسي ولَد مخشون
وأهل الهوى هكذا يلقون
لا قد شبابك عبر ولّى
عنك المحب شفه يتخلّى
ولعاد يخلص لك المضنون
وأهل الهوى هكذا يلقون
إن كنت شايب ظهر جنبي
كل يوم بلقي لك المضبي
والشهد في داخل الإصحون
وأهل الهوى هكذا يلقون
وإن كنت عكروت ومغازل
طالع في النخله أو نازل
خلك على المملي المكنون
وأهل الهوى هكذا يلقون