[المغترب عن بلاده]

=عرش الابداع
=***************************
العود لي فيـه تطلـع زينـة النقشـة = يطربك لو جيت ليلـة فيـه با تنقـش
=ويسر خاطرك لا شفته وهـو منقـوش
يا عودي الزين ما بدخلك شي ورشـه = والعنبر الحر به والمسك ما بـا رش
=وأنته على طول بأزكى رائحة مرشوش
والشاعر اللي علينا لا نزل طشه =والا سحابه بقطرات الندا طشش
=تبقى في الثوب منه للممات اطشوش
شاعر سماء في سماء الإشعار من غبشه =لا ما سراء للكلام الحلو له يغبش
= ياشمس لبداع بالغربال ما غبوش
بالرغم من عشقته للشـام والحبشـة = يارض الجزيرة بوجدانه سكـن حبـش
=عينته والله جـم عربان مـا حبـوش
والله ولـك يانديـم القافيـة وحشـة = جو القصائد بدونك والطـرب موحـش
=والعشق كبده وكبد العاشقيـن اتحـوش
غيرك على اسمه نحط غطشه ورا غطشه = الا على حرف لك فالقلب ما نغطش
=يا من بدونك جديد أهل الأدب مغطوش
عيني من الدمع لي يجري بها غمشه = و السمع قل. والمعاني ضوها مغمش
=والفن جوه وجوك يالسلاء مغموش
ياريت ربي طرح سبعين فـي نعشـه = من لي بهم لرض بعد الجدب ماتنعـش
=أو ريتني يوم ما شفت الوفي منعوش
التبر بالصفر بـو محضـار ماغشـة = صافي يقدمـه دايـم مادخلـه الغـش
=راسه غلب مايتاجر في ذهب مغشوش
والضيف لاقد ضواء مابايهم فرشه =من حيث ما تنطرح لقـدام زل يفـرش
=والدرب بالورد له طول الزمن مفروش
يفتح له القصر مايدخله فـي عرشـه = ويذبّح اجمال . حد ينتش وحد يعـرش
=الجود له والكرم عند الكـريم اعـروش
عنده يباتوا سمير الليـل فـي رعشـة = والجو صافي نقي ما يعتكـر مرعـش
=كل من قعد ثانية جنبه ضوى مرعوش
للحن من عطر رش غرشة وراء غرشة = للقافيـة قـال غرينـي كمـا غـرش
=لاتستجيبي لكل منهم علـي غـروش
باب الادب بعد موته مـا نحـب نكشـه = عليه لليوم لا نفتـح ولا ننكـش
=الا على الورث لي سابه لنا منكـوش
يالحيد لبرق مكانـك ظهـرت الجرشـة = حد فوقها قد صبح يعجن وحد يجـرش
=للذل والهون يا أجمل بلد جـروش
عشنا في العشق من لبشة الى لبشـه = لا ما لبشنـا بدنيانا بنـا تلبش
=الله يساعـد بنـادم بالغثـاء ملـبوش
مافيه مخلوق بايقعـد علـى عرشـه = العرش لي حد بنا جنبه وحـد عـرّش
=هم عروا الفن وهـم يا لمفـرده عـرّّوش
لي هم بغوا عيّنته نبغاء لهـم نبشـه = ما حد يضاهيه لي هو ع الدرر ينبـش
=ما يوم قالوا نبش فالحقل لي منبـوش
بحر البيوت الغزيرة كان هـو قرشـه = اللول يرقشه والمرجان له يرقـش
=لا غاص فالقاع ما طلّع هلل وقـروش