[حميد البني]

خلاص من بعد الشتات استقريت=والحمدلله حالتي مستقره
جَمَعت عقلي في محله وحليت=حيث الكرامه ماكثه في مقره
ماحد يدور بيت في داخل البيت=الا اذا قد حالته مستظره
سمعت صوت العقل نادى ولبيت=سمعاً وطاعه ياطريق المبَره
مالي بقولة رحبو بي انا جيت=في قبضتي كوكب يهز المجره
ماعاد افكر في تعدت وعديت=مادام عندي كاحلة طرف حره
من واقع اشتي ذا وهذا تعنيت=عانيت ماشميت ريح المسره
تعبت بين اديت واسويت وابليت=والحق ما انجزت مثقال ذره
لذا تروني من شتاتي تبريت=واقسمت ماعد في نظامي اقِره
احبس خيالي في مجاله وياليت=ماعاد احلق خارج السرب مره
هذ.السعاده والاكيد استعديت=اني اخليها معي مستمره
خلاص ياللي داخله تسكبي زيت=طفيت ناري واسكبي الف مره
شدي رحالش واحسبيني تخليت=عن مبدأالتشكيل كره وفره
لا تتعبيني بس يابنت مليت=مليت شبعه مش على حين غره
من كيدكن قد كنت ضايع وضليت=لكن بفضل الله تجنبت شره
انتن فيكن من تنور كما الليت=وانتن من يدخل جهنم بهره