السلام عليكم ورحمه الله وبركاته
انا عضو جديد في السقيفه
وان شاء الله اتواصل معكم بكل جديد
وانا محب لهذا المنتدى العملاق لما يقدمه من خدمه لابناء الوطن
وتواصلهم باقسامه العامره بكل ماهو مفيد
وللامام ياعقيل الشبامي
اوباعلي قال ياليل النكد والقهد = لاجيت بانام يغزل في خيوطي عقد
خايف على عيني اليمنى يجيها رمد = ويقل به الشوف او تعمى عمى للابد
يالله سالك تعدلها لنا ياصمد = يامالك الملك يارحمن واحد احد
رحماك تلطف بعبدك من نيار الوقد = في يوم ماينفع الوالد ضيوم الولد
ولا دنانير تنفع لادمي للتحد = ماينفع الا العمل لالك حساني رصد
تاقيك من صطوت الوحشه بيومن سود = وبعد مرحب في الهاجس بدوره وفد
جاني وانا افتق على شفرتي بين السدد = فالكير حريتها والكير مبعد برد
عاده يشرر ويغذاه الهوا لا استمد = فحم السمر لاولع ماينطفى ياحمد
وقدك عارفه من يدمه وراس المقد = وانا شريته وعديت الدراهم عدد
باصون شغلتي ذي هي لي من ابن وجد = مانا كما من تنكر لخوته ونفرد
وراك يامبارك الفعفع بغضت الحدد = شوفك تجبرت قرنك طال قامه ومد
واليوم عودت لي كندي من اعصى كند = انسيت زبرتك هي والمطرقه والسند
الوقت خلاك تمسي صقر روس الزيد = وازيد طول جناحك ماتفكر بحد
والقالك اشناب وانته عام لاول مرد = والقاك لول ولأخر شيخ فوق الحدد
لابد يجي يوم لك يربطك بين الفند = ويقص مخالبك واشنابك ولد باصمد
وتعرف انك ولد تيسوع منته الاسد = ولا نمر لانهم فالشعب كلن شرد
وتعود تنشد من اصحابك كما من نشد = الوقت بايجبرك ترجع لنا ياولد
لاكن بتعود وانته في ذراعك عضد = تعرج من الكبر من شافك رثيلك وصد
احصد مقاديم غرسك من تلوم الحسد = حدج وشرشير في لرسان مثل الكرد
ارض المصابيخ ماتزرع غصون الزبد = قدني مجرب وانا المنقد وشيخ النقد
للباخريبه كما يحيى وللباعبد = جدي عمر يورد المنهل كما من ورد
صحيح حداد لاكن ماتوطا لحد = واحرس على الوافيه وامشي مع اهل البلد
ولا تكبر كما تيسوع شفه اعتقد = انه قبيلي وكندي من مشايخ كند
بنصحك عود لربعك شفك منته عند = بيفضخونك عرب ولا معك شي سند
قدهم يقولون سابق ماحد الا بحد = عوذ من ابليس يمبارك جلس للفقد
من قبل مايخصب المنشي وراعد رعد = هذا نصيحه واانا شاعر ولا ذم حد
ولا مطامع في الشهره ولطلب مدد = حداد عارف بنفسه ان نهض او قعد
مابفتح ابواب للموشي مسوي قلد = من عهد جدي وانا للباب ملقي رصد
قهقر كلامي ولا بنصد كما من نصد = والصدق بنقحه مجامل كبار العدد
ذي يمدحون الصكك من شان يبغو ردد = سوالك ام لاش منحر والملاحي عضد
يكفي من المدح ياشله هفايه شود = من يمدح الرث بعد اليوم بوقف عند
ولعاد بسكت وانا المنقد وشيخ النقد =
كلمات الشاعر باعلي