((الغربه))
يارافع السبع باقي العمر جملني = تبع جمايلك يامعبود سهلها
سالك بعفوك نهار البعث ترحمني = تبدل الذنب بالحسنات بدلها
ماشي معي غير قولك ذي مطمني = توبه نصوحه من المسكين تقبلها
وإلا ذنوبي كثيره باتعذبني = لكن رحمتك يارحمن تبطلها
والحاصل أني معي هاجس مضايقني = لاجيت بانام جاب أبيات سجلها
وعاد موضوع ثاني ذي معذبني = بعدي عن الاهل غربه ماتحملها
ضيعت عمري وعقلي ذي مضيعني = خمسه وعشرون من لعوام كملها
أحيان نفسي تكلمني وتسألني = وش من مكاسب في الغربه تحصلها
قلت المكاسب كثيره أسكتي عني = الناس في لرض تبغا ذي يشغلها
قالت أمانه بهذا لا تكلمني = نصف المشاريع ماتلحق مكملها
الناس في خير ماظنك تصدقني = كثير حاجات ماعقلك تخيلها
شفت المكلا شوارعها كما سدني = والخور فتحوه زينها وجملها
في لرض نهظه كبيره لا تذكرني = حتى الاراضي معد تقدر تقابلها
والرأس شيب وهذا ذي مزعلني = ماباتفيدك فلوسك ذي تحولها
مابى التجاره ابى منزل يكننني = وعشره أنواب فكر باتوسلها
يانفس صدقي معي مره وعينيني = ردي جميلي لأ ني كنت دللها
واليوم يانفس للعوده توصيني = والعقل يوصي عمالك لاتبطلها
وصرت محتار يالشعار دلوني = كلاً برايه وربك بايعدلها
للشاعر:مجمل