[المستقل]

عطى متواصل[

قال المثآبر قط ما خاف الفشل= ولا خشي وسط الميآدين الصدام
جوّاد ما يبخل ولا عمره فسل=يعطي ولا تمتّن ولا يخفي جرام
ماهو كما ذي اعطى وقصده وش يشل=ذي قد سعى للمدح ولا هم الملام
وان حد سأل عني وعن اصلي فقل= من قوم فتاكه علو فوق السنام
روس القبايل نعم ذولاك القبل=أهل الجرامل والمذبّل والحسام
ان أستدانوا ما يهمون الثّقل=والدين منهم الرباء ذاك الحرام
والزام لوّل قد تولّى ورّتحل= واليوم ننشد للمعارف والنظام
حليت فيها اخترت اسمي المستقل= واعتز وفخر في سقيفتنا شبام
لا غبت عنها يوم حالي ما حتمل=يضرب عليّ الراس من كثر الخرام
ما قدر افارقها ولا ارضى بالبدل=( مجنون من بدل قصوره بالخيام)
حبي لها يزداد ولا يمكن يقل=منحوت في قلبي وكبدي والعظام
ما خشى عليها من توقف او خلل= والهكر والفيروس أو غدر اللأم
أفعالهم ما غير بقصة في جمل=ولا كما حمى خفيفه أو زكام
ولا كما ما النمل يحفر فــ الجبل=من ذي سمع بالنمل قد هد الدقام
وما با تصل لقزام لا كوكب زحل=والصقر ما تساوي مع فرخ الحمام
واليوم من حقي تفاخر وحتفل=مادام ونا قد صرت في الصف الامام
لي الف غرسة والثمر فيها اكتمل=واصحبت انا قسام في وادي سهام