قصيدة ترحيبية بقدوم شهررمضان للشاعر الكبير / حسين ابوبكر المحضار . تغمده الله بواسع جنته . وكذا مجارة متواضعة لي .
دعوة شعراء السقيفة.. للترحيب بالشهر الفضيل شهر رمضان المبارك - سقيفة الشبامي
أهـلا بشهر الصوم ولياليه =والـذكـر وتراويح كل ليله
في الشهر ذا كلين له وعليه= وحـقـوق لـلأسرة وللعيله
وحـقـوق لـلـجـيـران =يـامرحبا أهلا بشهر الصوم
=مـقدمك مقدم خير يارمضان
يابخت من أدى فروضه فيه =وإن حـد تكاسل فيه ياويله
ومـن غفل يحتاج له تنبيه =قـل له يصفي الحَب ويكيله
ويــعــدل الـمـيـزان= يـامرحبا أهلا بشهر الصوم
=مـقدمك مقدم خير يارمضان
غـلّـق زمان العربده والتيه =والـقفز من سيله إلى سيله
إلّـيـه تـترك واجباتك ليه =لاحـرك الشيطـان لك ذيله
عـوّد مـن الـشـيـطان =يـامرحبا أهلا بشهر الصوم
=مـقدمك مقدم خير يارمضان
الـشهر ذا مايقبل التشـويه =لاتـغـشـناإنك معك حيله
صاحبك لي في خاطره يكفيه =حـامل حموله عوش وثقيلة
يـمـشـي بـهـا تـعبان =يـامرحبا أهلا بشهر الصوم
=مـقدمك مقدم خير يارمضان
مجاراة متواضعة لي . بنفس المناسبة
واجب علي رحّب بشهر اغليّه =فيه التقي (با) يشفـي أغليلـه
بالذكـر والتسبيـح ويحلّيـه= بالصبر لا قـد قلـت الحيّلـه
=وتــــلاوة الــقــرآن
=( يا مرحبا أهلا بشهر الصوم )
=(مقدمك مقدم خير يا رمضان )
رمضان باصومه وبـا صليّـه = والعطف ما بقطع مواصيلـه
من يومـه الأول إلي تاليّـه =والله مـا فرطـت فـي ليلـة
=لا قــــدّر الـرحــمــن
=( يا مرحبا أهلا بشهر الصوم )
=(مقدمك مقدم خير يا رمضان )
بطلب من الله كل هـم يجليّـه =ويحقق اللـي طـال تاجيّلـه
والقدس والأقصى يُرد لهليـه = ويعـود تسبيحـه وتهليـلـه
=الــــيــــوم ذا والآن
=( يا مرحبا أهلا بشهر الصوم )
=(مقدمك مقدم خير يا رمضان )
الظلم مـن يدعمـه ويواليـه =من واسـع المـدات ياويلـه
رب البشـر بالنـار بايقلـيـه = فـي يـوم باتبطـل اقاويلـه
=لاقــام كـــل مـيــزان
=( يا مرحبا أهلا بشهر الصوم )
=(مقدمك مقدم خير يا رمضان )
رمضان يا من تشتري حاليـه =جم ناس مافـي يدهـم حيلـه
صِل من يذوق الجوع ويصاليه=له روح وان مارحت وصي له
=وأعطيه بالإيمان
=( يا مرحبا أهلا بشهر الصوم )
واللحم بعـد اليـوم لا تغليـه = من كل شي صاحبك جف غيله
والبنك بـا الأموال لاتمليـه =وان مال حمل الجار رد ميلـه
=واعطـف علـى الأخوان
=( يا مرحبا أهلا بشهر الصوم )
=(مقدمك مقدم خير يا رمضان )
والشيخ لاشفته حمس سليّـه = وارعض مواله لاطفح سيلـه
وقّف بجنبـه عيـب لاتخليـه =لمـا تخـف حـدة مخاييلـه
=والـبــرق والــرعــدان
=( يا مرحبا أهلا بشهر الصوم )
=(مقدمك مقدم خير يا رمضان )
كيس الجفا والصـد بانخليـه = والـود بانقطفـه مـن خيلـه
الله يديـم الجبـر و يخلّـيـه = بين البشـر والخـل وخليلـه
=يـا مـعـشـر الــخــلان
=( يا مرحبا أهلا بشهر الصوم )
=(مقدمك مقدم خير يا رمضان