ان جيت قلنالك تفضل وحياك = وان رحت روح ماطلبناك تاخير
أن كنت من أول تألم لفرقاك = وأن غبت حس قلبي من الشوق بيطير
هذاك أول كنت حبك وأهواك = وأهوى التعب لجلك وأحب المشاوير
حبيت من حبك وعاديت اعداك = وأرفعت راسك فوق رؤس المشاهير
كل ماطلبته قلت حاضر ويفداك = حتى ولو تطلب حليب العصافير
ماكان همي غير فرحتك وأرضاك = كنت المهم أمشي معك دون تفكير
كنت احسب انك تستحق كل هذاك = وأحسبت شي للجود قيمه وتقدير
وألحمد لله عالحقيقه عرفناك = وأصبحت مالك عندنا أي تأثير
مادام حنا بالحقيقه كشفناك = دور مكانك وأمش خلف الطوابير
ماهو تحدي عيب لوصرت وياك = في مستوى واحد امام الجماهير
من أنت حتى عاندك أوتحداك = جساس حتى تستحق ثورة الزير
لاوالله انك لنت هذا ولاذاك = ولاتراب الارض تحت الحوافير
قد كنت تحت الارض واحنا رفعناك = واليوم بن ردك الى قاعة البير
هو موقعك لصلي وعنوانك هناك = وأشفيه لورديت له وايش بيصير
يازين زينك في مكانك ومحلاك = لايق على لايق بكل المعايير
والله خلق في البحر أنواع لسماك = فيه القويه والوسط والهوامير
وأن كنت يامسكين ترضى بما جاك = وضعك طبيعي بس وضعي أنا غير
ماحب لي تنصاد في كل شباك = حب القويه لي تكسر صنانير
يمكن تحصل شخص مثلك ويبغاك = يرضى معك بالهينه والتقاصير
هذاك له هذه وذيه لذياك = كل طير في الدنيا مسخر على طير
اما انا مبداي ماهو بمبداك = وأصبح وجودك دون معنى وتفسير
لاهو القمر يطلع بطلعة محياك = والاجبينك نور الكون تنوير
والشمس تشرق من يسارك ويمناك = أو كنت أسطوره تفوق ألاساطير
باقول لك مهلا وبشراك بشراك = أن كنت ناسي حب ذكرك نذكير
قد شفت منهو في جماله تعداك = ومن جماله تخجل الشمس وتغير
كانه سراج أبيض يضي دون أسلاك = ولاعلى الطاقه ولاله مواطير
نضرت عيونه تربك القلب أرباك = وأن مر في شارع تقف حركة السير
من غير مايقصد ومن دون ادراك = خدر جميع الناس من دون تخدير
له من جمال الحور شي فوف روياك = مهما وصفته صار في الوصف تقصير
لمى مشى مشيك وسوى مسواك = واغتر واتجاهل جميع التقارير
بالرغم ماعنده من اسلاح فتاك = حررت قلبي من محبته تحرير
لمى وضعته في سجل لونه أبلاك = مهما تأسف لي وجاب المعاذير
لاقال عفوا قلت الله يهداك = تكسر قلوب الناس كسر القوارير
وتقول عفوا لأجل سامحك وأعفاك = من بعد تكرار الغلط والتقاصير
لاوالذي أبدع جمالك وسواك = والي صقل حسنك وصورك تصوير
لاينحني راسي ولاباترجاك = لودوس قلبي دوس تحت الجنازير
ياما نصحت اياك واياك واياك = أياك من جرح الكرامه وتحذير
مهما يكون الوضع واسباب دعواك = عند الكرامه ماقبل اي تبرير
مادام وصلت للكرامه نواياك = في ذمتي لافجر الوضع تفجير
والعفو يالقاري وعذرك وسمحاك = لوفيه شي قسوه ببعض التعابير