اسمحوا لي ان اعطيكم فكره عن مناسبة القصيده
التقيت الاخ حسن محمد باقديم في احد السمرات في المكلا ولم اكن اعرفه من قبل الا من خلال الفديو وبعد ان شاركت في السمره التي كان فيها على مااذكر علي بامهدي وعبيد بانوبي والعديد من الشعار
وحصل التعارف فيما بيننا وارتبطت بعلاقه شخصيه بالاخ حسن باقديم .ووعدت الاخ حسن بأن اتواصل معه ولكن لضروف خارجه عن الاراده بالاضافه الى المشاعل انقطع التواصل معه فارسل رسالة عتب ووقتها كنت شال العزم للبلاد وحبيت ان الطف الجو بالاضافه انني تطرقت لبعض المواضيع الاخرى
واعتذرعن الاطاله واليكم القصيد التي اتمنى ان تنال استحسانك
طـلـبــتــه واســــــع الـــمـــدات فــــــي الـــســـر والـعـلانــيــه = كــــريــــم الــــوجــــه يـسـرمـاتـعــســر بــالـــكـــرم والــــجــــود
وامـــالــــي كــثـــيـــره فــــيــــه لأنــــــــي مــخـــلـــص الــنـــيـــه = ومـــن يـقـبـض بحـبـلـه بـايـصـل للـقـصـد والـمـقـصـود
ولالــــي قــصــد غــيــر الـسـتــر يـسـتــر كـــــل مـخـفـيــه = ويـــــوم الــقـــاه يـغــفــر لـــــي بـــــلا شــاهـــد ولامـشــهــود
انــــــا تـــرجـــاه واتـــوســـل بـــحـــق عـــرشــــه وكــرســيـــه = يـمـتـعـنـي بــحـــور الـعــيــن امـــــات الـعــيــون الـــســـود
وقـــــم يـاهـاجــســي ذلــحــيــن شــــــل ابـــيـــات مــغــريــه = قلـع فــي طـايـره مــن ارض قــد ربــت ذيــب واســود
مـــــع الـكـبـتــن جــلـــس لاتــقـــول بــادرجـــه سـيـاحــيــه = معك برسل حراسه خاف فيها عـود يصقـب عـود
وفـــي سـاعــه ونـــص وانــتــه دخــلــت اراض يـمـنـيـه = ثــراهـــا يـخـتـلــف واجـــبـــال فــيــهــا راســـيـــه واحـــيـــود
تـــســــر الــعــيـــن وامــنــاظـــر بـــهــــا يـــامــــا طـبـيــعــيــه = وقلبـك ينشـرح اخصـوص لاشفـت الغصـون اتـنـود
نــــزل فــــي صــالــة الــريــان عــنــد اجــهــات مـعـنـيــه = تـرحــب بــالــذي قــــادم الــــى ارض الــوطــن ويــعــود
نـشــد مــــن صـاحـبــي بـاقـديــم ذي يــفــرح بـضـاويــه = وهو واحـد مـن اصحـاب الكـرم ذي فعلهـم مشهـود
وقـلـه جـيــت لـــك عـانــي مـعــي مـــن ثـابــت اتـحـيـه = تحـيـه مختـلـط معـهـا ســوى الـكـادي ودهـــن الـعــود
مـــــن الـتـقـصـيـر نـبــغــا الـعــفــو واعـدالــتــي مـرســيــه = ولـــــكــــــن الـــــخــــــوه مــابــيــنــهـــم نـــــاقــــــد ولا مـــنــــقــــود
وانــتــه يــــوم عــامـــد خــلـــف واخـــــر فـــــي الـعـقـوبـيـه = ونـحـنـا قـــال بـومـرعـي نـعـانـي مـــن شـقــاء وانــكــود
خـصـوصـا ً لاذكـــرت احـصــون يابـقـديـم حـربـيـه = سـكـن ضـبـاط ماسـكـنـوا عـسـاكـر وسـطـهـا وجـنــود
يـــحـــن قــلــبــي حــنــيــن الـــنـــوب لاتـــذكـــر مـجـانــيــه = ومـن بعـد الوطـن واهـلـه نبـيـت فــي الـوقـاء مــارود
انــــــــا بــــــــدوي وحــــــــب الــــبــــدو وحــلــيــتـــي بــــدويـــــه = وهـــذا ذي حـصــل وان مـاكـفـا بايـجـيـك فــوقــه زود
وبـالـمـرشــون شـــــف ثــابـــت يــحـــب يـخــتــم قــوافــيــه = مـن اخشـور الميـازر لاقــرح يعـجـب تـقـول ارعــود
وصــــــلــــــوا عــــــــــــد مــــــاايـــــــات مــــكــــيـــــه ومــــدنــــيـــــه = على الهادي وعد ما السيل عدا في جرب وابدود