ياناس انا لي قلب من عام مفقود = لو شخص شافه ياعرب يتصل بي
بااعطيكم اوصافه عسى وانه يعود = وان كان حد شافه علي لا يخبي
وصفه حنون ومابداء جاب منقود = والله وهبه الطيب ربه وربي
بين الضلوع العوج قد كان موجود = واليوم ماله وسط صدري منبَي
اصبح مكانه جرح والجرح مصدود = يا الله دعيتك باالخفى وين طبي
دارت سنته اليوم والعام مجرود = كل يوم فيه يزيد همي وغلبي
عندي عزاه اليوم ماضني يعود = عليه صبي الدمع ياعين صبي