[صوت سيبان]

اقتباس : المشاركة الأصلية كتبت بواسطة الوحدوي [ مشاهدة المشاركة ]

حل عننا وارحل يكفينا تعب= ارحل امامك باب واحد للذهاب ضقنا من الدينا وضاقت مننا= وانت السبب في ذالتعاسه والعذاب مصيت دم الشعب يا آخر عبس= ارهقتنا وارهقت ذي عاده شباب ما يوم حسينا براحه في الوطن= منذو مسكت الحُكم مارينا صواب كم يا مشاكل كم حروب اتفجرت= من تحت راسك كم جنينامن خراب تقتل وتحمل بالجنازه يا خبيث= قتل المواطن مثلما قتل الذُباب حل عننا ما عاد طقنا صورتك= لا خير بك لا خير في وجه الغُراب في ضل حُكمك مرت السبع العجاف= من سُبتك ماعاد ضلتنا السحاب ندعي عليك كل يوم مما حل بنا= وشلتك قالت حجاب الله حجاب لا شرعيه لك بعد ما الشعب انتفض= ولا حصانه من عقابك وا لحساب والله ثم والله ما با نتركك= تبقا على الكرسي بقوه واغتصاب اهدرت دم الشعب يا خس البشر=واطلقت عالساحه وحوشك والكلاب حل عننا وارحل وجنبنا البلأ=سرقت منّا كل شي حتى التراب ما عادها لك يا علي فاتت عليك= معاد يافندم ولا مخلب وناب باب الحوار انسد والحبل انقطع= من بعد سفك الدم اُغلق كل باب ضيقتها وانت السبب فيما حدث= والشرعيه ذي قُلت مامعها نصاب ساعه تجدانا وساعه تهتري= والله ما نقبل لتهديد او عتاب ارحل بناموسك وخل عندك شرف=والا انتظر منا حسابك والعقاب حل عننا يكفيك لا هانا وقف= حل عننا من قبل كسار الرقاب لا تفتكرها سهل للحرب انفجر= ما بايوقف ناهرها سحر الخطاب با نتبعك لو قُلت تهرُب لا زحل= ولا يعافا جرح من قدهو مصاب الشعب متوحد و ناره تلتهب= يشتي حقوقه ما طلب منك طلاب

قصيدة جميلة ورائعة ومن عندي أقرن بها هذا الدعاء ليسمحلي أخوي الوحدوي به
اللهم أحفظ وطنا من التقسيم والشتات والحروب الأهلية وليذهب من ذهب ويبقى اليمن شامخ بأبنائه الخيرين الوطنيين في ظل وحدتنا المباركة
تقبل مروري وسجل أعجابي ودمت في حفظ الله