[باسعيده]

اقتباس : المشاركة الأصلية كتبت بواسطة fahtoot2000 [ مشاهدة المشاركة ]

سلام مني على الخلان يتكرر = ينفح كما المسك والماء ورد والعنبر عاالرأس تقديرهم وسعرهم مغلاه = يانخل باعقبه ظلك خطى المعلاه يامابخاطري من فرقة محبيني = حد منكم في ربع ساعه يوديني وشوف بالعين ذي هو ينقش السلاه = يانخل باعقبه ظلك خطى المعلاه بدوي ولي في هوى العشقه قوانيني = عشقي وفني قضيته في مقاطيني بين القناصه وبين القطي والجملاه = يانخل باعقبه ظلك خطى المعلاه مرتاح فيها وشربي من معاييني =صافي مصفى وقوتي من بساتيني والنوم نومي على السلقه وعالمخلاه=يانخل باعقبه ظلك خطى المعلاه شقيت يالوقت بي ماشي معي حيله = ولاطريقه ولادبره ولا وسيله ضربتك قد جاتني من بعد عالمحلاه = يانخل باعقبه ظلك خطى المعلاه لابغيت فارس ولاكان الفرنسيه = بلى بلادي مقاطين العذيبيه حيث الدواء يلتحق وكلام يامحلاه = يانخل باعقبه ظلك خطى المعلاه وادي عمر موطني لي فيه اهليه = لي في حباطه نوب وحصون مزويه ياسامع الصوت صلي عارسول اله = يانخل باعقبه ظلك خطى المعلاه منقوله من شعر الاخ سالم بلحمر .

قريتها وقريتها وقريتها ولاشبعت من لذة الكلام ومن عمقه الحضرمي الاصيل كما العسل الصافي احسنت يااخي على النقل واحسن الشاعر ومن هاذا الكلام هاتوا لنا ومن صدق كلام سلس وتو ينحفظ ويفتهم وذا الشعر بصراحه ووينكم يامشرفين