[عمر الذيب]

اقتباس : المشاركة الأصلية كتبت بواسطة عيبون [ مشاهدة المشاركة ]

بالرضاء صبّحه ربي حصن متعلّي وعامر=وان غدر ليلي طلبت الفرد يسعدلي مساه والتحيه جات من عاشق خلطها عطر فاخر=من صميم القلب توصل له وتعبق له فناه ماسخابه وازعل الا لاعبر زاخي وعاكر=لجل ماشي طين يدخل فيه او يعبر قداه كن هذا اليوم جاه الزخي من صاعد وحادر=وابتدت لرباع ترقل ياعساله بالنجاه عينة السنبوك لي هو فالغبب طالع ونادر=لاوصل للبر جاله شعف فالغبه سباه والخلل ماهو في السنبوك فالربان ظاهر=ماعرف يمشي سوا كل يوم يمشي باتجاه والخبر هذا طرح نيران في جوف المسافر=يومه يحب الوطن مزروع عشقه في حشاه من فعال البعد لا ياصحاب بي فالقلب نافر=قد عجز كمين دختر مافتاني في دواه كنني عارف علاجي حيث حنّات الميازر=قوتها باروت لي تحميك من بطش الغزاه والحيود السود فيها كم وياكم وعل كابر=لادخلك الجوع لحمه يارفيقي ماكماه وان يبس ريقك تحصّل كم وياكم نبع سابر=ذوق له مثل الكرع ماشي مثيله فالمياه والزمن هذا بليّه جار عاكمّين شاطر=حد يحطّه ارض والثاني يبزّه لا سماه غصب ماهوبالرضاء فارقت.. هذا امر قاهر=والمفارق مبتلي الله يعينه عا بلاه والعذيبي هكذا دايم وهو فالجو طاير=من شروق الشمس يصبح عايدوّر عاجناه بنصبر مادام رب الكون بشّر كل صابر=من صبر لازم يحصّل ماصباء له وابتغاه ختمها خايف يميل الحمل يوم الحمل جاير=والجمل لاجار حمله من على ظهره جفاه

الله الله الله عليك
ماشاء الله تبارك الله
الناس تتقدم خطوه خطوه وانته تقطع بين القصيده والقصيده كيلو متر الى الامام الله اما لاحسد
ولكنها حقيقه يا صالح اهنيك على هذا التطور السريع والجميل ولا اقدر ان اقول لك الا
كل التحيه والاحترام
عمر الذيب