لك بوسط القلب حارة بالف شارع=لك عدد شركات تبني ميت مشروع
لك حديقة كاملة والورد زارع=والقرنفل والعنب والفل مزروع
لك مساجد لك معابد والف جامع=لك عدد عدة ولايجمع بمجموع
الجوارح لك وروحي والمسامع=انت صوتك بس بين الناس مسموع
انت حبيتك ولالك حد منازع=في غيابك احس نصف الروح منزوع
انت مثل الشمس والباقي توابع=ماسك الراية ولابتسير متبوع
اسآلك يارب لاتحط الموانع=ابلغ الغاية ولااتواجه بممنوع
صنعت الرحمن من خير المصانع=لست فاليابان او فالهند مصنوع
احسبك واحد وثاني وانت رابع=واسمك المشهور بين الناس مربوع
لويقف بواب في هيئة مصارع=لن تراجع عنك لوباعيش مصروع
اعلم اني فيك متعطش وجايع=صرت انا من بعدكم ميت من الجوع
اعلم اني فيك متحدي وطامع=وانت من جمله من العربان مطموع
سارع الخطوات نحوي ثم سارع=لاتروع النفس يالمظنون لاتروع
واعلم ان العين سالت بالمدامع=شوق في قلبي ومن الاعيان ادموع
ايش رايك نلتقي في يوم سابع=والزيارة خلها عاراس الاسبوع
ان تراضينا وصرت انسان طايع=الرضاء بعده رضاء والطوع بالطوع
وان تخالفنا خبر بيكون فاجع=بعدها باسير متحسر ومفجوع
ادري انك نبع من خير المنابع=وادري انك عذب متدفق وينبوع
الحراسه ناس تمشي بالمدافع=واعتبر مهرك ذهب والماس مدفوع
والسكن في قصر متعلي ورافع=ناس في الخدمه ولاشي صوت مرفوع
كل هذا قد كتبنه في مراجع=وانت لك رايك وعاد الشور مرجوع
مع تحيات
بن قطمان
[/QUOTE]