لي تمنيئة فالعيد والعيد بالباب=الاوله شوف الحبايب والاصحاب
والثانية لفة على كل الابواب=ماهمني كثر التعب والمشاوير
وتعود ياعيد الاماني على خير=
العيد فرحة والاماني كثيرة=ياربنا سالك عسى بالستيرة
تجمع لقا الاحباب في كل ديرة=عند المصلى في تواضع طوابير
وتعود ياعيد الاماني على خير=
يابسمة الاطفال في كل حارة=والانس واللقياء وشوق الزياره
والجار يوم العيد يرجع لجاره=والناس تتبادل جزيل التعابير
وتعود ياعيد الاماني على خير=
عبر الهواتف يرسلون التهاني=عبر الفضاء توصل بعدة ثواني
فيها تعابير الفرح والاماني=مايحسبون الفايدة والمخاسير
وتعود ياعيد الاماني على خير=