ابديت بك يامن عليك المتكل=يامن خلقت الكون والناس اجمعين
عساك تغفرلي وحصلي محل=في جنة الفردوس دار المؤمنين
والثانيه مبعد قنع قلبي ومل=بكتب قصيده والمدامع باكيين
يقول بونعمان يازعماء الدول=ردوا علينا بالحقيقه واليقين
بالصدق والواقع وماقلا ودل=يحيي عروق القلب مابين الريين
نبغاء العلم واحد حصل لي قد حصل=حتى يعود القدس في لحظه وحين
على خزئ المكار واخباث العمل=بالسيف بنخليك يالقاسي تلين
ضقنا وضاق الكون والمحتل دخل=والعين تدمع والعروبه ساكتين
والعنف واصل صار والقتل اكتمل=في قدسنا الغالي وفي مخيم جنين
لاحد يقول المشكله من غير حل=الحل في روس العرب والمسلمين
لاجيش يتدرب ولادعم يصل=يوم المعارك نارها ترشن رشين
واطفال غزه كافحوا والدمع هل=في ساحة الميدان قدهم صامدين
رغم التحدي بابهم مانقفل=والبدر يشهد والكواكب شاهدين
والدم سيله سال والشارع رقل=والمعتدي داري وقومه داريين
رمي الحجاره مانبدلبه بدل=خلا الصهاين في الشوارع شاردين
عاشت فلسطين الابيه يابطل=حيث النشامه والعباد الصالحين
من واجبي اضربلهم اروع مثل=وقت الشدايد لامسى الخاطر حزين
ليه اليهودي مايقبلهم قبل=بالطايره يقصف منازل مبعدين
من بعد ماهدوا المصانع والفلل=حرو مزارع طينها ياخير طين
يالله فرق جمعهم لاشتمل=باراك واهله زمرت ابليس اللعين
الارهاب عنده والخطيه والزلل=والحقد فيهم اليهود الحاقدين
شلوا وحطوا والجبل سده جبل=والقوا جرايم ماتسر الناظرين
تبت ايادي تفتخر باهل الحيل=واهل الخيانه والشروع القاصرين
من غير حق شلوا بلاد الناس شل=وين العروبه الرجال الوافيين
اتعاونوا يلي تشلون الثقل=قدكم على رمي الحجاره ضاريين
حتى يفرجها لنا عزا وجل=ونحررك يالقدس والطاغي يهين
ويخرج وهو مدحور في راسه خلل=يومه يهودي مامعه دنيا ودين
مهما طغا فيها وشوها وحل=بيضيع جيشه بين الايسر واليمين
لانه تعدا على العلم الاحمر وزل=واصبح ضحيه للاسود الجايعين
شجعان في غزه تربوا يالخبل=يفدونها بالروح والكنز الثمين
ترا لهم في خاطري عندي محل=في كل موقع فوق خمسه واربعين
ثم وزانوا الوزن والوزن اعتدل=وخلوا العدو يسحب وسووله كمين
مايقبلون الظلم واصحاب الفشل=دايم على اركان الاقصى قايمين
يشهدلهم ياهاجسي كوكب زحل=والمجد يشهد طول الاشهر والسنين
والبيت الابيض ليه مندوبه رحل=مايدري ان النفس تردف بالونين
وحنا على الشاشات ماننجز عمل=واخواننا داخل سجون المجرمين
حسره على غاية مرادي والامل=قمه ورا قمه فطنها يافطين
والان باجوب على كل من سئل=والكر هو والفر صحئ النايمين
ياحضرة الحكام ماتفيد الضول=وين الكوادر وين سيد العارفين
خلوا التجاره والدراهم والهلل=للريس المخلوع زين العابدين
يسئل من الجمال ذي باع الجمل=ليلة دخل بين البيع والمشترين
واتفجر البركان والملحد نزل=فارق دياره والقصور العاليين
والحرب واصل في بلادي واشتعل=من تونس الخضراء لارض الرافدين
لان التحالف قام قسمنا دول=لابارك الله في نصارى طاغيين
يلي في الساحات بتمهل مهل=عزي بلادي والخوافي باتبين
مادام حسني بن مبارك اعتقل=بتحصلونه داخل السجن سجين
يشكي ويبكي والقمر شوع وهل=عليه يالعقال لايضمن ضمين
وبشار ومعمر قوافلهم همل=مايقطعون الشك دايم باليقين
حتى علمهم قال خو يسلم نزل=ذي يعشقون الخمر واللحم السمين
في شعبهم خانوا وجاء الدلال دل=مايرحمون الشيخ والطفل الجنين
والان يالهاجس سئل عني سئل=وسئل على الريس علي والغايبين
ريس فقد عقله وحملنا ثقل=في جامع النهدين حن قلبه حنين
عوذ من الشيطان والجاني رحل=والريس امسئ في حبال الزاهدين
الشرع ياهل الشرع يقتل من قتل=لاقد علي ظالم وجيشه ظالمين
وان قدرت الاقدار بتوكل وكل=لاقد رضي المعبود رب العالمين
والخاتمه صليت والماطر هطل=على النبي المختار سيد المرسلين
واله وصحبه قابلوا يوم القبل=قاموا معه بالسيف ضد المشركين
ياسعد من صلئ ورتبها جمل=باهديله العنبر وعطر الياسمين
اخووووكم ابو نعمان